Halyqqa qyzmet etý ortalyǵyna barýdyń jańa tártibi
HQO jumysynyń jańa formaty
Endi qazaqstandyqtar HQO-da elektrondy formatta qoljetimsiz, «qaǵaz» júzindegi qyzmetterdi ǵana ala alady. Bul shamamen 100 memlekettik qyzmet, olardy alý úshin HQO-ǵa barý qajet. Sondai-aq, HQO-dan egov.kz portaly arqyly onlain túrde rásimdelgen qyzmetterdiń daiyn nátijesin alýǵa bolady.
HQO-ǵa endi aldyn ala brondaý arqyly ǵana barýǵa bolady. Aita ketý kerek, ózgerister tek Nur-Sultan, Almaty jáne Shymkent qalalary men oblys ortalyqtarynda ornalasqan HQO-lardy qamtidy. Aýdan ortalyqtarynda jáne aýyldy eldimekenderde ornalasqan HQO-lar burynǵydai jumys isteitin bolady.
HQO-lar qaita iske qosylǵan aimaqtar
20 mamyrdaǵy jaǵdai boiynsha Qazaqstanda aimaqtyq shtabtardyń ruqsatymen 10 óńirdiń HQO-lary tolyǵymen jumys isteidi bastady, bular – Nur-Sultan qalasy men Aqmola, Aqtóbe, Almaty, Qaraǵandy, Qostanai, Qyzylorda, Túrkistan, Soltústik Qazaqstan jáne Pavlodar oblystary.
Almaty, Shymkent, Atyraý jáne Shyǵys Qazaqstan oblystary ákimdikteriniń sheshimimen atalǵan óńirlerde tek biznes ókilderine qyzmet kórsetetin HQO-lar ashyldy. Jambyl oblysyndaǵy HQO-lar áli jumys istemeidi.
Kezekke tapsyrys berý
Halyqqa qyzmet kórsetý ortalyǵyna bararda kezek ýaqytyna tapsyrys berý úshin Egov.kz elektrondy úkimet portalyn, eGovKzBot2.0 telegram-botyn paidalanýǵa nemese 1414 nómirine qońyraý shalýǵa bolady (qońyraý shalý tegin).
Bron qyzmet alýshynyń JSN-in tirkeý arqyly jasalady. Eger azamat halyqqa qyzmet kórsetý ortalyǵyna baratyn ýaqytyn aldyn ala belgilemese, kezekti sol jerde brondaý usynylady. Alaida qabyldaý dál sol ýaqytta bolatynyna kepildik berilmeidi. Bul jaǵdaida azamat ózge bos ýaqytqa kezekke tapsyrys berýi kerek bolady.
Elektrondy qyzmetterdi alýdaǵy kómek
Egov.kz portalynda qoljetimdi barlyq memlekettik qyzmettiń 80%-dan astamyn qazaqstandyqtar óz úiinen nemese keńseden ala alady. Ol úshin elektrondy tsifrlyq qoltańbasy (ETsQ) bolsa bolǵany. Qazirgi ýaqytta ETsQ-ny da egov.kz portalynda alý múmkindigi bar.
Sondai-aq, keibir qyzmetter men servisterdi ETsQ-syz, bir rettik qupiiasózdiń kómegimen alýǵa bolady. Ol úshin mobildi azamattar bazasynda tirkelý qajet.
Qyzmetterdi onlain alý boiynsha suraqtar týyndaǵan jaǵdaida qazaqstandyqtar 1414 Biryńǵai bailanys ortalyǵynyń nemese portaldaǵy virtýaldy assistenttiń kómegine júgine alady.
Endi Azamattarǵa arnalǵan úkimet operatorlary qazaqstandyqtarǵa egov.kz portalyndaǵy beine qońyraý arqyly tikelei keńes bere alady.
Ol úshin paraqshanyń oń jaq tómengi buryshyndaǵy «Virtýaldy assistent» batyrmasyn basý qajet. Ashylǵan terezeden beinekameranyń belgisin tańdańyz. Odan ári júie videokameranyń jáne mikrofonnyń qosylýyna ruqsat suraidy – «ruqsat etý» qajet.
HQO operatory klientpen birneshe sekýnd ishinde bailanysqa shyǵady. Osydan keiin «Ekrandy kórsetý», ári qarai «bólisý» batyrmalaryn basý kerek. Osylaisha, HQO beineoperatory abonent monitoryn kóre alady jáne oǵan kez kelgen qyzmetti jyldam alýǵa kómektesedi.
Egov buryshtary
Sonymen qatar, kompiýteri nemese internetke shyǵý múmkindigi joq joq qazaqstandyqtar úshin HQO ǵimarattarynan bólek 328 ózine-ózi qyzmet kórsetý buryshtary ashyldy. Olar aýdandyq ákimdikterdiń ǵimarattarynda, oqý oryndarynda, meditsina uiymdarynda, saýda-oiyn-saýyq ortalyqtarynda jáne t. b. nysandarda ornalasqan. Aldaǵy ýaqytta mundai buryshtar sany tek artatyn bolady.
Úsh sanattaǵy azamattar – zeinetkerler, kóp balaly otbasylar, múmkindigi shekteýli azamattar elektrondyq qyzmetterdi HQO-nyń jeńildik terezesi arqyly ala alady.
