Búgin, 2025 jyly 30 qańtarda Ulttyq Bank tóraǵasynyń orynbasary Berik Sholpanqulovtan jýrnalister qaýymy QQS-tiń ósý múmkindigine qatysty saýal qoidy. Naqtyraq aitqanda, odan tilshiler mundaida infliatsiiany tejep ustaý qarastyrylyp otyrǵan-otyrmaǵanyn bilýge tyrysty, dep jazady Dalanews.kz.
"Aldymen bul arada QQS mólsherlemesi 16% nemese 20%-ǵa deiin ósedi me, iaǵni qanshaǵa ósetinin túsinip alýymyz kerek", dep sózin bastaǵan ol Ulttyq Banki qosylǵan qun salyǵy (QQS) mólsherlemesi kóterilgennen keiin infliatsiiany qalai tejep ustaýǵa bolatynyn áli bilmeitinin jetkizdi.
Senat dálizinde ony qaýmalaǵan tilshiler taǵy bir saýaldy alǵa tartty: "Prezidenttiń infliatsiiany tejeý jónindegi tapsyrmasy men ministrler kabinetiniń QQS-ty kóterý týraly usynysyn eskersek, bul arada Ulttyq bank pen Úkimet arasynda múddeler qaishylyǵy bar dep aitýǵa bolady ma?".
"Osy saýalǵa, meniń oiymsha, baspasóz máslihatynda Timýr Muratuly (Súleimenov, UB tóraǵasy) jáne meniń ózge de áriptesterim buǵan deiin jaýap bergen. Bul - úkimet pen Ulttyq Banktiń birlesken jumysy. Úkimetke keńes berip, infliatsiiany tejeý máselesinde kómektesemiz, bul nazardan tys qaldyrýǵa jatpaityn birlese atqaratyn jumystar. Memleket basshysy shyǵyndardy qysqartý, olardy ońtailandyrý jáne sol arqyly qarajatty tek ózekti, mańyzdy isterge baǵyttaý qajettigin aityp otyr. Qazir iske qosylǵan protsesti alǵa jyljytý úshin Úkimet pen Ulttyq Bank sharalardy kúsheitetin bolady", - dep jaýap berdi Sholpanqulov.
Aldymen, onyń aitýynsha, QQS mólsherlemesi 16% nemese 20% bolady ma, sony anyq bilip alý kerek.
"Qazir qyzý talqy júrip jatyr. Biz qandai mehanizm qabyldanatynyna súiene otyryp, ekonomikalyq esepteýler júrgizemiz", - dep sózin tolyqtyrdy Sholpanqulov.
Ol memlekettiń shyǵys jáne kiris bólikteri Ulttyq qordyń qarajaty esebinen óteletin jaǵdaidy boldyrmas úshin teńgerimdi bolýy kerek ekenin basa atap ótti.
Aita ketsek, buǵan deiin Úkimettiń keńeitilgen otyrysynda premer-ministr Oljas Bektenov qosymsha qun salyǵy mólsherlemesin kóterý kerek dep sanaitynyn jariia etken. Onyń aitýynsha, osylaisha Eńbekaqy tóleý qoryna túsetin júktemeni kúrt azaitýǵa bolady. Sondai-aq vitse-premer Serik Jumanǵarin QQS shegin qazirgi 78 mln teńgeden 15 mln teńgege deiin tómendetýdi usyndy. QQS ósken jaǵdaida úkimet jumys berýshiniń aýdarýy tiis áleýmettik salyǵy men mindetti zeinetaqy jarnalaryn joiýy múmkin. Bul Eńbekaqy qoryna túsetin júktemeni 10-30%-a tómendetedi dep kútiledi. "Al mundaida bul shyǵyndardy biýdjet óz moinyna ala alady", - dep atap ótti vitse-premer Serik Jumanǵarin.Prezident Qasym-Jomart Toqaev Úkimettiń qosymsha qun salyǵy (QQS) kólemin arttyrý týraly usynysyn qoldady. Memleket basshysynyń aitýynsha, bul rette reforma kerek. Al sarapshylar qaýymynyń biri parasy bul bastamaǵa narazy.
