بٷگٸن, 2025 جىلى 30 قاڭتاردا ۇلتتىق بانك تٶراعاسىنىڭ ورىنباسارى بەرٸك شولپانقۇلوۆتان جۋرناليستەر قاۋىمى ققس-تٸڭ ٶسۋ مٷمكٸندٸگٸنە قاتىستى ساۋال قويدى. ناقتىراق ايتقاندا, ودان تٸلشٸلەر مۇندايدا ينفلياتسييانى تەجەپ ۇستاۋ قاراستىرىلىپ وتىرعان-وتىرماعانىن بٸلۋگە تىرىستى, دەپ جازادى Dalanews.kz.
"الدىمەن بۇل ارادا ققس مٶلشەرلەمەسٸ 16% نەمەسە 20%-عا دەيٸن ٶسەدٸ مە, ياعني قانشاعا ٶسەتٸنٸن تٷسٸنٸپ الۋىمىز كەرەك", دەپ سٶزٸن باستاعان ول ۇلتتىق بانكٸ قوسىلعان قۇن سالىعى (ققس) مٶلشەرلەمەسٸ كٶتەرٸلگەننەن كەيٸن ينفلياتسييانى قالاي تەجەپ ۇستاۋعا بولاتىنىن ەلٸ بٸلمەيتٸنٸن جەتكٸزدٸ.
سەنات دەلٸزٸندە ونى قاۋمالاعان تٸلشٸلەر تاعى بٸر ساۋالدى العا تارتتى: "پرەزيدەنتتٸڭ ينفلياتسييانى تەجەۋ جٶنٸندەگٸ تاپسىرماسى مەن مينيسترلەر كابينەتٸنٸڭ ققس-تى كٶتەرۋ تۋرالى ۇسىنىسىن ەسكەرسەك, بۇل ارادا ۇلتتىق بانك پەن ٷكٸمەت اراسىندا مٷددەلەر قايشىلىعى بار دەپ ايتۋعا بولادى ما?".
"وسى ساۋالعا, مەنٸڭ ويىمشا, باسپاسٶز مەسليحاتىندا تيمۋر مۇراتۇلى (سٷلەيمەنوۆ, ۇب تٶراعاسى) جەنە مەنٸڭ ٶزگە دە ەرٸپتەستەرٸم بۇعان دەيٸن جاۋاپ بەرگەن. بۇل - ٷكٸمەت پەن ۇلتتىق بانكتٸڭ بٸرلەسكەن جۇمىسى. ٷكٸمەتكە كەڭەس بەرٸپ, ينفلياتسييانى تەجەۋ مەسەلەسٸندە كٶمەكتەسەمٸز, بۇل نازاردان تىس قالدىرۋعا جاتپايتىن بٸرلەسە اتقاراتىن جۇمىستار. مەملەكەت باسشىسى شىعىنداردى قىسقارتۋ, ولاردى وڭتايلاندىرۋ جەنە سول ارقىلى قاراجاتتى تەك ٶزەكتٸ, ماڭىزدى ٸستەرگە باعىتتاۋ قاجەتتٸگٸن ايتىپ وتىر. قازٸر ٸسكە قوسىلعان پروتسەستٸ العا جىلجىتۋ ٷشٸن ٷكٸمەت پەن ۇلتتىق بانك شارالاردى كٷشەيتەتٸن بولادى", - دەپ جاۋاپ بەردٸ شولپانقۇلوۆ.
الدىمەن, ونىڭ ايتۋىنشا, ققس مٶلشەرلەمەسٸ 16% نەمەسە 20% بولادى ما, سونى انىق بٸلٸپ الۋ كەرەك.
"قازٸر قىزۋ تالقى جٷرٸپ جاتىر. بٸز قانداي مەحانيزم قابىلداناتىنىنا سٷيەنە وتىرىپ, ەكونوميكالىق ەسەپتەۋلەر جٷرگٸزەمٸز", - دەپ سٶزٸن تولىقتىردى شولپانقۇلوۆ.
ول مەملەكەتتٸڭ شىعىس جەنە كٸرٸس بٶلٸكتەرٸ ۇلتتىق قوردىڭ قاراجاتى ەسەبٸنەن ٶتەلەتٸن جاعدايدى بولدىرماس ٷشٸن تەڭگەرٸمدٸ بولۋى كەرەك ەكەنٸن باسا اتاپ ٶتتٸ.
ايتا كەتسەك, بۇعان دەيٸن ٷكٸمەتتٸڭ كەڭەيتٸلگەن وتىرىسىندا پرەمەر-مينيستر ولجاس بەكتەنوۆ قوسىمشا قۇن سالىعى مٶلشەرلەمەسٸن كٶتەرۋ كەرەك دەپ سانايتىنىن جارييا ەتكەن. ونىڭ ايتۋىنشا, وسىلايشا ەڭبەكاقى تٶلەۋ قورىنا تٷسەتٸن جٷكتەمەنٸ كٷرت ازايتۋعا بولادى. سونداي-اق ۆيتسە-پرەمەر سەرٸك جۇمانعارين ققس شەگٸن قازٸرگٸ 78 ملن تەڭگەدەن 15 ملن تەڭگەگە دەيٸن تٶمەندەتۋدٸ ۇسىندى. ققس ٶسكەن جاعدايدا ٷكٸمەت جۇمىس بەرۋشٸنٸڭ اۋدارۋى تيٸس ەلەۋمەتتٸك سالىعى مەن مٸندەتتٸ زەينەتاقى جارنالارىن جويۋى مٷمكٸن. بۇل ەڭبەكاقى قورىنا تٷسەتٸن جٷكتەمەنٸ 10-30%-ا تٶمەندەتەدٸ دەپ كٷتٸلەدٸ. "ال مۇندايدا بۇل شىعىنداردى بيۋدجەت ٶز موينىنا الا الادى", - دەپ اتاپ ٶتتٸ ۆيتسە-پرەمەر سەرٸك جۇمانعارين.پرەزيدەنت قاسىم-جومارت توقاەۆ ٷكٸمەتتٸڭ قوسىمشا قۇن سالىعى (ققس) كٶلەمٸن ارتتىرۋ تۋرالى ۇسىنىسىن قولدادى. مەملەكەت باسشىسىنىڭ ايتۋىنشا, بۇل رەتتە رەفورما كەرەك. ال ساراپشىلار قاۋىمىنىڭ بٸرٸ پاراسى بۇل باستاماعا نارازى.
