Buǵan deıin Qazaqstan Ulttyq Banki Statısıkalyq aqparattyń shyǵý kestesine sáıkes esepti toqsan aıaqtalǵannan keıin 90-kúni syrtqy borysh boıynsha esepti derekterdi jarıalaǵan bolatyn. Endi oǵan qosymsha QR syrtqy boryshyn aldyn ala baǵalaý jarıalanatyn bolady.
"Mundaı jarıalanymdar toqsan saıyn esepti toqsannan keıingi aıdyń sońǵy kúninde, tıisti kezeń úshin tólem balansyn aldyn ala baǵalaý týraly aqparat shyǵarýmen bir mezgilde júzege asyrylady", delingen seısenbidegi habarlamada.
Qazaqstan Respýblıkasynyń syrtqy boryshynyń kólemi 2024 jyldyń basynan bastap jylda 2,3 mlrd. AQSH dollaryna (budan ári – dollar) ulǵaıyp, 2024 jylǵy 1 qazanda 165,8 mlrd. dollardy qurady.
- 91 658 000 000 tikeleı ınvestısıalarǵa (fırmaaralyq bereshek) tıesili;
- 45 513 000 000 – basqa sektorlarǵa;
- 13 265 000 000 – bankterdiń qaryzdary;
- 12 724 000 000 – memlekettik basqarý organdarynyń boryshtary;
- 2 470 000 000 – QR Ulttyq Banktiń boryshy.
Syrtqy borysh belgili ýaqyttaǵy ótelmegen rezıdentterdiń beırezıdentter aldyndaǵy negizgi boryshty jáne/nemese paıyzdy tóleýdi talap etetin naqty jáne sózsiz mindettemelerin bildiredi, dep naqtylaıdy Ulttyq Bank.
Buǵan deıin saıtymyzda ekonomıkalyq saıasat ınstıtýtynyń dırektory Qaıyrbek Arystanbekovtiń 2025 jyly bolýy múmkin úsh daǵdarys týraly aıtqanyn jazǵan edik. Sonyń biri syrtqy qaryzdardy qamtıdy.
