بۇعان دەيىن قازاقستان ۇلتتىق بانكى ستاتيستيكالىق اقپاراتتىڭ شىعۋ كەستەسىنە سايكەس ەسەپتى توقسان اياقتالعاننان كەيىن 90-كۇنى سىرتقى بورىش بويىنشا ەسەپتى دەرەكتەردى جاريالاعان بولاتىن. ەندى وعان قوسىمشا ق ر سىرتقى بورىشىن الدىن الا باعالاۋ جاريالاناتىن بولادى.
"مۇنداي جاريالانىمدار توقسان سايىن ەسەپتى توقساننان كەيىنگى ايدىڭ سوڭعى كۇنىندە، ءتيىستى كەزەڭ ءۇشىن تولەم بالانسىن الدىن الا باعالاۋ تۋرالى اقپارات شىعارۋمەن ءبىر مەزگىلدە جۇزەگە اسىرىلادى"، دەلىنگەن سەيسەنبىدەگى حابارلامادا.
قازاقستان رەسپۋبليكاسىنىڭ سىرتقى بورىشىنىڭ كولەمى 2024 جىلدىڭ باسىنان باستاپ جىلدا 2،3 ملرد. اقش دوللارىنا (بۇدان ءارى – دوللار) ۇلعايىپ، 2024 جىلعى 1 قازاندا 165،8 ملرد. دوللاردى قۇرادى.
- 91 658 000 000 تىكەلەي ينۆەستيسيالارعا (فيرماارالىق بەرەشەك) تيەسىلى؛
- 45 513 000 000 – باسقا سەكتورلارعا؛
- 13 265 000 000 – بانكتەردىڭ قارىزدارى؛
- 12 724 000 000 – مەملەكەتتىك باسقارۋ ورگاندارىنىڭ بورىشتارى؛
- 2 470 000 000 – ق ر ۇلتتىق بانكتىڭ بورىشى.
سىرتقى بورىش بەلگىلى ۋاقىتتاعى وتەلمەگەن رەزيدەنتتەردىڭ بەيرەزيدەنتتەر الدىنداعى نەگىزگى بورىشتى جانە/نەمەسە پايىزدى تولەۋدى تالاپ ەتەتىن ناقتى جانە ءسوزسىز مىندەتتەمەلەرىن بىلدىرەدى، دەپ ناقتىلايدى ۇلتتىق بانك.
بۇعان دەيىن سايتىمىزدا ەكونوميكالىق ساياسات ينستيتۋتىنىڭ ديرەكتورى قايىربەك ارىستانبەكوۆتىڭ 2025 جىلى بولۋى مۇمكىن ءۇش داعدارىس تۋرالى ايتقانىن جازعان ەدىك. سونىڭ ءبىرى سىرتقى قارىزداردى قامتيدى.
