قازاقستاندا ٸشكٸ ساۋدا بارعان سايىن تسيفرلىق فورماتقا اۋىسىپ كەلەدٸ. ەل تۇرعىندارى ماركەتپلەيستەر مەن ونلاين سەرۆيستەر ارقىلى تاۋار ساتىپ الىپ, قىزمەتكە جيٸ جٷگٸنەتٸن بولعان. ۇلتتىق ستاتيستيكا بيۋروسىنىڭ دەرەكتەرٸ بويىنشا, 2025 جىلى قازاقستانداعى ەلەكتروندى بٶلشەك ساۋدا كٶلەمٸ 3,77 ترلن تەڭگەگە جەتكەن, دەپ حابارلايدى dalanews.kz.
"QZ Economy.تالداۋ" تەلەگرام ارناسىنىڭ مەلٸمەتٸنشە, ونلاين ساۋدانىڭ نەگٸزگٸ ٷلەسٸ ماركەتپلەيستەرگە تيەسٸلٸ. جالپى كٶلەمنٸڭ 86 پايىزى دەل وسى پلاتفورمالار ارقىلى جٷزەگە اسقان. قالعان بٶلٸگٸ ٶندٸرۋشٸلەر مەن قىزمەت كٶرسەتۋشٸلەردٸڭ جەكە سايتتارىنا تيەسٸلٸ.
سالىستىرمالى تٷردە العاندا, 2022 جىلى ەلەكتروندى ساۋدا كٶلەمٸ 2 ترلن تەڭگەگە دە جەتپەگەن ەدٸ. وسىلايشا, سوڭعى بٸرنەشە جىلدا ينتەرنەت ارقىلى ساۋدا جاساۋ ايتارلىقتاي ٶسكەن.
ينتەرنەت ساۋداسىنىڭ جالپى بٶلشەك ساۋداداعى ٷلەسٸ دە ۇلعايىپ كەلەدٸ. ەگەر 2022 جىلى بۇل كٶرسەتكٸش 12,5 پايىز بولسا, 2025 جىلى 14,3 پايىزعا جەتكەن.
ستاتيستيكاعا سٷيەنسەك, قازاقستاندىقتار ماركەتپلەيستەر ارقىلى كٶبٸنە تەلەفون مەن تٷرلٸ گادجەت ساتىپ الادى. بۇل سانات جالپى ونلاين ساۋدانىڭ 17,1 پايىزىن قۇراعان. سونداي-اق كيٸم, اياقكيٸم جەنە سپورت تاۋارلارى – 12,4 پايىز, ٷي مەن ساياجايعا ارنالعان تاۋارلار – 12,1 پايىز, تۇرمىستىق تەحنيكا – 10,3 پايىز, ال ازىق-تٷلٸك 7,4 پايىز ٷلەسكە يە بولعان.
اقشالاي ەسەپتەگەندە, تۇرعىندار بٸر جىل ٸشٸندە تەلەفوندار مەن گادجەتتەرگە شامامەن 553 ملرد تەڭگە جۇمساعان. ال كيٸم-كەشەك پەن ٷيگە ارنالعان تاۋارلارعا 400 ملرد تەڭگەدەن استام قارجى كەتكەن.
ساراپشىلاردىڭ ايتۋىنشا, بۇل كٶرسەتكٸشتەر قازاقستاندىقتاردىڭ ينتەرنەت ارقىلى ساۋدا جاساۋعا بەيٸمدەلٸپ, ونلاين ساتىپ الۋعا دەگەن سەنٸمٸ ارتقانىن كٶرسەتەدٸ.
ونلاين قىزمەت كٶرسەتۋ سالاسىندا دا ٶسٸم بايقالادى. 2022 جىلى ەلەكتروندى كوممەرتسييا ارقىلى كٶرسەتٸلگەن قىزمەت كٶلەمٸ 1,18 ترلن تەڭگە بولسا, 2025 جىلى بۇل كٶرسەتكٸش 2,5 ترلن تەڭگەگە جۋىقتاعان.
بۇل باعىتتا ەڭ ٷلكەن ٷلەس جولاۋشىلار تاسىمالى قىزمەتتەرٸنە, ياعني تاكسي سەرۆيستەرٸنە تيەسٸلٸ بولعان – 42,6 پايىز. ال ەۋە بيلەتتەرٸ مەن ٶزگە دە كٶلٸك برونداۋ قىزمەتتەرٸ 30,8 پايىز ٷلەس العان.
مامانداردىڭ پٸكٸرٸنشە, مۇنداي ٶزگەرٸستەر تسيفرلاندىرۋدىڭ قازاقستاندىقتاردىڭ كٷندەلٸكتٸ ٶمٸرٸنٸڭ اجىراماس بٶلٸگٸنە اينالعانىن اڭعارتادى. ونلاين ساۋدا مەن سەرۆيستەر ۋاقىت ٷنەمدەۋگە مٷمكٸندٸك بەرٸپ قانا قويماي, وتاندىق ٶندٸرۋشٸلەر مەن قىزمەت كٶرسەتۋشٸلەردٸڭ تۇتىنۋشىلارعا قولجەتٸمدٸلٸگٸن ارتتىرىپ وتىر.
