– Bizdiń el 1929-1940 jyldary latyn álipbiin qoldanyp, bastan ótkerdi. Demek, biz latynǵa qaita oralamyz. Latyn álipbii arqyly biz túrki halyqtaryna tildik turǵydan jaqyndap, rýhani jaǵymyzdan kemeldene túsýimizge jol ashamyz. Árine elimiz úshin táýelsizdik, týǵan jer, ulttyq qundylyq qasietti uǵymdar. Mine bul turǵyda Elbasynyń «Rýhani jańǵyrý» baǵdarlamalyq maqalasynda memlekettik, ulttyq máselelerdiń sheshimi aityldy. Endeshe barlyǵymyz jumyla kirisýimiz kerek, – dedi Janseiit Qanseiituly.
Kezdesý aiasynda sóz alǵan belgili saiasattanýshy Erlan Sairov: «Latynǵa oralý – saiasi qadam, ońdy sheshim ári tarihi oqiǵa» dep pikir bildirdi. Basqosqandar jańa álipbi týrasynda oilaryn ortaǵa saldy.
[caption id="attachment_31918" align="aligncenter" width="1022"]
Ókinishtisi, qazir jańa álipbidi quptamaityndar da bar, biri – kirillitsaǵa úirenip qalǵandar, ekinshisi – eski álipbide jazylǵan kitaptary bar jazarman qaýym. Budan esh qoryqpaýymyz qajet. Eń bastysy, saiasi sheshim qabyldandy. Endi ary qarai ony júzege asyrýǵa kiriskenimiz jón ekendigin aitty Ámirjan Saǵidrahmanuly.
Budan bólek, Talǵat Qaliev toptyń tústik óńirdegi negizgi maqsatyn aita kele, elimizdegi jastarǵa arnalǵan ortalyqtardyń jumys isteý júieleriniń jańaryp jatqandyǵyn jetkizdi.
Kezdesý sońynda oblys basshysy arnaiy kelgen qonaqtarǵa alǵys bildirip, jumystaryna sáttilik tilep, estelik syilyqtar tabys etti.
OQO ákiminiń baspasóz qyzmeti
