Ońtústik Qazaqstan oblysynda dándi-daqyldardy jınaý jumystary tolyǵymen aıaqtaldy. Bıyl oblys dıqandary astyq ósirýde ozyq tehnologıalardy, onyń ishinde tereń qopsytý ádisin qoldanýdyń arqasynda mol ónimge qol jetkizdi. Máselen, oblys boıynsha 258,8 myń  gektar jerge egilgen  dándi-daqyldan sharýalar 589 myń tonna ónim alǵan.

Memlekettiń qoldaýy men sharýalardyń eseli eńbeginiń arqasynda bıyl qambaǵa 400 myń tonnaǵa jýyq astyq quıyldy. Onyń ishinde 345 myń tonnasy bıdaı bolsa, arpa 52 myń tonna. Odan ózge bıyl dándik júgeriden gektaryna 47,6 sentnerden ónim alynyp,  178 myń tonna júgeri jınaldy.

Syrdarıa ózeniniń saǵasynda ornalasqan Maqtaral men Shardara aýdandarynyń dıhandary 2,2 myń ga jerge kúrish egip, odan gektaryna 64,5 sentnerden ónim alyp, 14 myń tonnaǵa jýyq kúrish jınady. Osylaısha bıyl oblys boıynsha dándi daqyldardyń kólemi  589 myń tonnany eńserdi.

Jalpy kúngeılik sharýalar aýa raıynyń asa qolaıly bolmaǵanyna qaramastan, bıyl olar  gektaryna ortasha esppen 18,4 sentnerden ónim jınady. Tipti Maqtaral men Shardara, Túrkistanda gektaryna 30 sentnerden ónim alyp,  úzdik nátıjege qol jetkizdi.

Egin sharýashylyǵyn damytýda sharýalarǵa memleket tarapynan qoldaý kúsheıtilgen. Jalpy jyl basynan beri tuqym sharýashylyǵyn qoldaý úshin 500 mln. mıneraldy tyńaıtqyshtarǵa 3 mlrd. al gerbısıter men bıogentterge  276 mln. teńge kóleminde sýbsıdıa  úlestirilgen. Memlekettiń mundaı qoldaýyna 10 myńǵa jýyq aýyl sharýashylyǵy taýar óndirýshileri ıe boldy.

OQO ákiminiń baspasóz qyzmeti

 

https://dalanews.kz/31239