2025 jyldyń 27-28 naýryz kúnderi Túrkistan qalasynda Bilim mazmunyn damytý institýtynyń uiymdastyrýymen «Júsipbek Aimaýytulynyń ádistemelik muralaryn jańǵyrtýdaǵy N.A. Orazahynovanyń avtorlyǵyndaǵy «Satylai keshendi oqytý» tehnologiiasynyń róli» taqyrybynda halyqaralyq sammit ótti, dep habarlaidy Dalanews.kz
Is-sharanyń basty maqsaty – Alash ziialysy, pedagog Júsipbek Aimaýytulynyń bilim salasyndaǵy qundy muralaryn qazirgi bilim berý júiesimen úilestire otyryp, «Satylai keshendi oqytý» tehnologiiasynyń fýnktsionaldyq saýattylyqty arttyrýdaǵy tiimdi joldaryn aiqyndaý boldy. Sammitke Almaty, Astana qalalary, Pavlodar, Atyraý, Túrkistan oblystary, sondai-aq Qyrǵyzstan men Mońǵoliiadan 100-ge jýyq adam qatysty.
Sammitke pedagogika ǵylymdarynyń doktory, professor, Resei Jaratylystaný ǵylymdar akademiiasynyń korrespondent-múshesi, QR Kishi ǵylym akademiiasynyń vitse-prezidenti, «Satylai keshendi oqytý» tehnologiiasynyń avtory Nursha Aljanbaiqyzy Orazahynova qatysyp, is-sharany ashyp berdi. Ol óz sózinde Júsipbek Aimaýytulynyń pedagogika, psihologiia jáne ádisteme salasyndaǵy eńbekteriniń búgingi kúni de ózektiligin joǵaltpai otyrǵanyn atap ótip, bul eńbekterdiń bilim salasyndaǵy mańyzy men orny zor ekenin jáne zamanaýi bilim berý júiesimen úilesimdiligin arttyrý qajettiligin aitty.
Sammit aiasynda Júsipbek Aimaýytulynyń pedagogikalyq jáne psihologiialyq eńbekteriniń ózara úilesim tapqan tájiribeleri usynyldy. Ulttyq qundylyqtardy dáripteý, oqýshylardy fýnktsionaldyq saýattylyqqa beiimdeý, sondai-aq bilim sapasyn arttyrý joldary jan-jaqty talqylandy. Bul tehnologiianyń bilim berý júiesindegi yqpaly, sonyń ishinde oqýshynyń jan-jaqty damýyna tigizer paidasy týraly pikir almasý boldy.
«Júsipbek Aimaýytulynyń murasy – búgingi bilim berý júiesimen úilesimdi túrde qoldanysqa engizilgende, oqý úderisiniń sapasyn arttyrýǵa yqpal etetin qundy resýrs bolatyny anyq. Ulttyq qundylyqtardy saqtai otyryp, jańa ádis-tásilderdi qoldaný arqyly biz zamanaýi bilim berýde úlken jetistikterge jete alamyz. Búgingi sammit – osyndai mańyzdy ideialar men maqsattardy júzege asyrýǵa baǵyttalǵan mańyzdy qadam», – dep atap ótti Bilim mazmunyn damytý institýtynyń quryltaishysy, direktory Raqymberdi Jetibai.
Sonymen qatar, sammit aiasynda 28 naýryzda «Tilim meniń – tirligimniń aiǵaǵy» taqyrybynda aýyzsha komandalyq olimpiada ótedi. Olimpiadaǵa jalpy sany 106 oqýshy men 57 jetekshi qatysady dep josparlanýda. Bul shara oqýshylardyń qazaq tiline degen qurmetin arttyryp, ulttyq qundylyqtardy dáripteýge baǵyttalǵan mańyzdy qadam bolyp tabylady.
Halyqaralyq deńgeide uiymdastyrylǵan bul sammit pedagogikalyq muralardy qazirgi bilim berý standarttaryna tiimdi túrde integratsiialaýdyń jarqyn úlgisin kórsetip, mańyzdy qadam boldy.
