Almaty ákimdigi halyq kóp jinalatyn oryndarǵa beinebaqylaý júiesin ornatý úshin 2,4 milliard teńge bólýdi josparlap otyr. Osy maqsatta kameralardan alynǵan derekterdi naqty ýaqyt rejiminde jetkizetin merdiger izdestirilýde, dep habarlaidy Dalanews.kz ZTB-ǵa siltep.
Memlekettik satyp alý portalyndaǵy málimetke sáikes, júie joldardy, saiabaqtardy, aýlalardy, mektepterdi, meshitter men shirkeýlerdi, aýrýhanalar men saýda ortalyqtaryn qamtidy. 3050 kameradan alynǵan aqparat "Data-ortalyqqa" jiberiledi. Bilik bul sharany qaýipsizdik pen qoǵamdyq tártipti nyǵaitý úshin qajet dep túsindirdi.
Kelisimshart aiasynda merdiger tek aqparatty jetkizip qana qoimai, júieniń úzdiksiz jumys isteýin 24/7 qamtamasyz etýi, tehnikalyq qyzmet kórsetip, kameralardy tazalaý, qosalqy bólshekterdi aýystyrý jáne aqaýlardy joiý jumystaryn júrgizýi qajet. Sonymen qatar, beinekórinis sapasyn baqylaý, derekterdi ruqsatsyz qol jetkizýden qorǵaý, júieni bet-álpetti jáne kólik nómirlerin taný tehnologiialarymen integratsiialaý talap etiledi.
Joba úsh jylǵa eseptelgen: 2025 jyly – 714,7 mln teńge, 2026 jáne 2027 jyldary – 857,6 mln teńgeden bólinedi. Tenderge ótinim qabyldaý 2 sáýirge deiin ashyq.
