Túrkistanda oblystyq tsifrlandyrý, memlekettik qyzmet kórsetý jáne arhivter basqarmasy men «Turkistan HUB» uiymynyń uiymdastyrýymen «DevFest Turkistan – 2024» halyqaralyq konferentsiiasy ótti. Is-shara barysynda IT jáne robototehnika salasyndaǵy sarapshylardyń, kásipqoilardyń jáne jas mamandardyń basyn biriktirip, tsifrlyq tehnologiialardy damytý baǵytynda jańa ideialar men sheshimder usyndy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Zamanaýi tehnologiiany paidalanýdaǵy úzdikter búgingi talapqa sai qyzmet usyný, IT salasyndaǵy jańa qadamdar, jasandy intellekt jumystary jaiynda sóz qozǵap, pikir almasty. Sondai-aq, is-sharada start-aptar óz jobalaryn tanystyryp, úzdik ideialar júldeli oryndarǵa ie boldy.
Qazirgi tańda Túrkistan oblysynda tsifrlyq infraqurylymdy damytý qarqyndy júrgizilýde jáne bul baǵyt óńirdiń áleýmettik-ekonomikalyq damýyna eleýli yqpal etýde. Tsifrlandyrý aimaqty zamanaýi tehnologiialarmen jabdyqtaý arqyly halyqtyń ómir súrý sapasyn arttyrýǵa baǵyttalǵan.
Aitalyq, 2024 jyly «Qoljetimdi internet» jobasy aiasynda Túrkistan oblysynyń aýyldyq aimaqtarynda keńjolaqty internet jelisin ornatý jumystary jalǵasýda. Qazirdiń ózinde 785 aýyl internetke qosyldy, onyń ishinde 3G, 4G jáne talshyqty-optikalyq bailanys júieleri keń taralǵan. Bul jumys negizinen memlekettik-jekemenshik áriptestik arqyly júzege asyrylýda. Oblysta talshyqty-optikalyq bailanys júiesi qarqyndy damytýdaǵy maqsaty – shalǵai aýyldardy joǵary jyldamdyqty internetpen qamtyp, óńirdiń tsifrlyq infraqurylymyn jetildirý. Qazirgi tańda 807 eldi mekenniń 415-i talshyqty-optikalyq jelige qosylǵan. Onyń 305-i memlekettik-jekemenshik áriptestik aiasynda júzege asyrylsa, qalǵandary «Qazaqtelekom» jáne «Transtelekom» kompaniialarynyń qatysýymen iske asyryldy.
2024 jyldyń basynan beri 177 eldi mekende osy tehnologiiany engizý jumystary jalǵasyp jatyr, 250 myńnan astam turǵyny bar 5 aýylda qurylys aiaqtalyp, jeliler iske qosyldy. Qalǵan aýyldarda jumystar kelesi jyly aiaqtalýy josparlanýda. Atap aitqanda, bul bailanys memlekettik mekemelerdi, mektepterdi, jáne basqa da áleýmettik obektilerdi sapaly internetpen qamtamasyz etýge baǵyttalǵan. Barlyǵy 2966 metr optikalyq kabel tóseldi.
Bul bastamalar óńirdegi ekonomikalyq, bilim berý jáne meditsinalyq qyzmetterdiń qoljetimdiligin arttyryp, tsifrlandyrý protsesterin jedeldetýge yqpal etýde. Sonymen qatar, Starlink spýtniktik interneti arqyly shalǵai mektepterde de internetke qoljetimdilik qamtamasyz etilýde.Sonymen qatar, Túrkistan qalasynyń negizgi qoǵamdyq oryndarynda jáne týristik nysandarynda joǵary jyldamdyqty 5G jelisi iske qosyldy. Bul týristerge ǵana emes, aimaqtyń biznes ókilderine de qosymsha múmkindik beredi. «Kerýen sarai», «Rixos» qonaqúii, jáne áýejai siiaqty nysandar 5G jelisiniń artyqshylyqtaryn tiimdi paidalanyp jatyr
«DevFest Turkistan – 2024» konferentsiiasy da tsifrlandyrýdaǵy mańyzdy oqiǵalardyń biri boldy. Shara barysynda IT mamandary men jasandy intellekt salasynyń sarapshylary óz tájiribelerimen bólisip, tsifrlyq salany damytýǵa qatysty jańa ideialardy talqylady. Bul konferentsiia tsifrlyq qoǵam qurý baǵytyndaǵy mańyzdy qadamdardyń biri bolyp sanalady
Túrkistan tórinde ótken «DevFest Turkistan – 2024» konferentsiiasyda jasandy intellektti damytý máseleleri talqylanyp, bul baǵyttaǵy birneshe strategiialyq qadamdar qarastyrylýda. 2024-2029 jyldarǵa arnalǵan jasandy intellektti damytý tujyrymdamasy sheńberinde ekonomikanyń ártúrli salalaryna innovatsiialyq tehnologiialardy engizý josparlanýda.
– Jasandy intellekt densaýlyq saqtaý salasynda erekshe ról atqaratyny sózsiz. Aýrýlardy erte diagnostikalaý jáne emdeý protsesterin jetildirý úshin qoldanylmaq. Bul jerde jasandy intellekt dárigerlerge kómekshi qural retinde sheshim qabyldaý júiesin qoldaýǵa baǵyttalǵan. Sonymen qatar, bilim berý salasynda osy tehnologiialardy paidalaný arqyly oqytý protsesin jetildirý jáne tsifrlyq quraldardy damytý kózdelgen, – dedi Túrkistan oblysynyń tsifrlandyrý, memlekettik qyzmetter kórsetý jáne arhivter basqarmasynyń basshysy Marat Ainabekov.
Elimizde jasandy intellekt boiynsha jyl saiyn 1000 jańa maman daiarlaý jospary bar, sonyń ishinde Google jáne Huawei sekildi halyqaralyq kompaniialarmen birlesken oqytý kýrstary ótkiziledi. Túrkistan oblysy da osy bastamalardyń mańyzdy qatysýshysy bolyp otyr, aimaq tsifrlyq innovatsiialardyń synaq alańy retinde tanylýda. Bolashaqta jyl saiyn 100 jańa startap jobasyn iske qosý maqsaty qoiylǵan, bul óńirlik jáne ulttyq ekonomikany damytýdyń tiimdi quralyna ainalady.
«DevFest Turkistan – 2024» konferentsiiasyn uiymdastyrýshylar qazirgi tańda Túrkistan oblysynda robototehnika salasyn damytýǵa úlken kóńil bólinip otyrǵanyn alǵa tartty. Bul sala aimaqtyń bilim berý júiesinde erekshe oryn alyp, jastarǵa jańa tehnologiialardy úirenýge múmkindik berýde. Túrkistan oblysynyń oqýshylary robototehnika boiynsha ártúrli baiqaýlar men jarystarǵa qatysyp, innovatsiialyq jobalary men sheshimderi kópshilikke tanystyrýda. Aitalyq, Qazyǵurtta ótken oblystyq robototehnika týrnirine 300-den astam qatysýshy qatysqan bolatyn. Sonymen qatar, óńirde halyqaralyq jarystarǵa qatysatyn jergilikti komandalar da qalyptasqan. Túrkistan oblysy óz ónertapqyshtaryn álemdik deńgeide tanytý maqsatynda robototehnika boiynsha jarystardy jii ótkizip keledi.
Túrkistandaǵy bilim berý mekemelerinde osy baǵytta jumys isteitin arnaiy tehnoparkter men klýbtar qurylyp, balalar men jastarǵa robototehnika negizderin úiretedi. Bul bastamalar aimaqtyń tsifrlyq jáne injenerlik salalarynyń damýyna yqpal etýde. Robototehnika men jasandy intellekt salasyndaǵy jobalar aimaqtyń jastarynda tehnikalyq daǵdylardy damytýǵa, olardyń shyǵarmashylyq qabiletterin shyńdaýǵa jáne injenerlik bilimdi tereńdetýge múmkindik berip otyrǵany konferentsiia barysynda sóz boldy.
Jalpy, tsifrlyq infraqurylymdy damytý Túrkistan oblysynyń turǵyndaryna jańa múmkindikter usynyp, olardyń memlekettik qyzmetterge, bilimge jáne kásipkerlikke qoljetimdiligin arttyrýda.
