Múgedektigi bar adamdardyń zańdy quqyqtaryn qamtamasyz etý jáne olar úshin qoljetimdi ortany qalyptastyrý maqsatynda Almaty qalasynda 4323 áleýmettik infraqurylym nysany tolyq beiimdeldi,dep habarlaidy Dalanews.kz.
Qazirgi ýaqytta Qazaqstan Respýblikasynda 2025-2030 jyldarǵa arnalǵan inkliýzivti saiasat tujyrymdamasy, «Amanat» partiiasynyń 2023-2027 jyldarǵa arnalǵan jol kartasy jáne Memleket basshysynyń tapsyrmasy boiynsha ázirlengen «Halyqpen birge» jobasy iske asyrylýda.
«Amanat» partiiasynyń jol kartasynda 2023-2027 jyldar aralyǵynda interaktivti qoljetimdilik kartasyna (budan ári – Karta) engizilgen 43 myńnan astam nysandy beiimdeý boiynsha jumys kózdelgen. Jyl saiyn osyndai obektilerdiń 20%-y beiimdelýi tiis. Osylaisha, 2023 jyly – Kartadaǵy obektilerdiń 20%, 2024 jyly – 40%, 2025 jyly – 60%, 2026 jyly – 80%, 2027 jyly – 100%-y beiimdeledi. Qazirgi ýaqytta el boiynsha 24 216 nysan tolyqtai beiimdelgen.
Búgingi tańda Almaty qalasynda 4323 nysan beiimdeldi. 2027 jyldyń sońyna deiin 5611 nysandy beiimdeý josparlanýda.
Beiimdelgen nysandardyń jalpy sanynan múgedektigi bar adamdardyń barlyq sanattary úshin qoljetimdileri:
- densaýlyq saqtaý nysandary– 972;
- bilim berý nysandary – 800;
- mádeniet nysandary – 42;
- memlekettik jáne kvazimemlekettik uiymdar – 115;
- sport nysandary – 23;
- áleýmettik qorǵaý nysandary – 8;
- kólik infraqurylymy nysandary – 3;
- oiyn-saýyq jáne demalys oryndary – 21;
- qoǵamdyq tamaqtaný – 347;
- saýda nysandary menoiyn-saýyq ortalyqtary – 1 925;
- basqada nysandar – 67.
«Nysandardyń qoljetimdiligin qamtamasyz etý máseleleri boiynsha túsken ótinishterdi Áleýmettik qorǵaý salasyndaǵy retteý jáne baqylaý komitetiniń departamenti belgilengen merzimde qarap, tiisti sharalar qabyldaidy. Sonyń nátijesinde infraqurylym nysandaryna qoljetimdilik qamtamasyz etilýde», – dep óz pikirin bildirdi Almaty qalasynyń turǵyny, I toptaǵy múgedektigi bar azamat Ulan Ińkárbekov.
Biyl Almaty qalasy boiynsha Áleýmettik qorǵaý salasyndaǵy retteý jáne baqylaý komitetiniń departamenti QR Áleýmettik kodeksiniń talaptarynyń oryndalýyn tekserý maqsatynda 77 tekseris júrgizdi. Onyń ishinde múgedektigi bar adamdardyń áleýmettik jáne kólik infraqurylymy nysandaryna qoljetimdiligin qamtamasyz etý máseleleri de qarastyryldy. Atap aitqanda: profilaktikalyq baqylaý aiasynda – 9, jospardan tys – 58, prokýratýra organdarynyń bastamasymen – 10 tekseris júrgizildi.
Tekserý nátijesinde múgedektigi bar adamdardy áleýmettik qorǵaý jáne arnaiy áleýmettik qyzmetter kórsetý salasynda anyqtalǵan zańbuzýshylyqtardy joiý jóninde 48 nusqama berildi. Sondai-aq jalpy somasy 5 mln 308,2 myń teńge bolatyn 13 ákimshilik aiyppul salyndy. Birlesken tekserýlerdiń qorytyndysy boiynsha prokýratýraǵa 10 qorytyndy usynyldy.
Obektilerdiń menshik ielerine profilaktikalyq baqylaý júrgizý kezinde buzýshylyqtar alǵash ret anyqtalǵan kezde olardy ákimshilik jaýapkershilikke tartpai, olardy joiý týraly nusqamalar ǵana engiziletinin atap ótý qajet. Nusqama belgilengen merzimde oryndalmaǵan jaǵdaida aiyppul salynatyn bolady.
