23 maýsym - Memlekettik qyzmetshiler kúnine orai Batys Qazaqstan oblysy ákimdigi ǵimaratynda oblys ákimi N.Tóreǵalievtiń qatysýymen saltanatty is-shara ótti, dep habarlaidy dalanews.kz.
Is-sharaǵa Departament basshysy M.Baisalov, memlekettik organdardyń basshylary, memlekettik qyzmet ardagerleri jáne memlekettik qyzmet salasynyń damýyna eleýli úles qosqan qyzmetshiler qatysty.
Saltanatty jiynda memlekettik qyzmettiń qoǵam ómirindegi mańyzy, memlekettik apparattyń tiimdiligin arttyrý, halyqqa sapaly qyzmet kórsetý jáne memlekettik qyzmetshilerdiń kásibi quzyrettiligin damytý máseleleri atap ótildi.
Mereke aiasynda memlekettik qyzmet júiesin damytýǵa qosqan úlesi úshin birqatar qyzmetshi Qazaqstan Respýblikasy Memlekettik qyzmet isteri agenttigi tóraǵasy D.Jazyqbaidyń atynan vedomstvolyq nagradalarmen marapattaldy. Atap aitqanda, bir memlekettik qyzmetshi «Úzdik memlekettik qyzmetshi» tósbelgisimen, bes memlekettik qyzmetshi «Memlekettik qyzmet ardageri» tósbelgisimen marapattaldy.
Sonymen qatar, halyqqa memlekettik qyzmetterdi sapaly kórsetýde joǵary nátijelerge qol jetkizgen qyzmetshiler «Úzdik sapaly qyzmet kórsetýshi» nominatsiiasy boiynsha marapattaldy.
Shara barysynda memlekettik tildiń mártebesin arttyrýǵa baǵyttalǵan «Ana tilim - arym» dástúrli oblystyq baiqaýynyń jáne memlekettik qyzmetshiler arasynda ótkizilgen «Bilimdiler dodasy» ziiatkerlik oiynynyń jeńimpazdary da marapattaldy.
Memlekettik qyzmetti damytýǵa, óńirdiń áleýmettik-ekonomikalyq órkendeýine qosqan úlesi jáne qyzmettik mindetterin úlgili atqarǵany úshin Departamenttiń birqatar qyzmetkerine Batys Qazaqstan oblysy ákiminiń Alǵys hattary tabystaldy.
Is-shara memlekettik qyzmetshilerdiń kásibiligin, adaldyǵyn jáne qoǵam aldyndaǵy jaýapkershiligin dáripteýge baǵyttaldy.
