Qarjy naryǵyn retteý jáne damytý agenttigi ForteBank AQ-yna Home Credit Bank AQ men HomeITTech JShS kompaniialaryn enshiles uiymdar retinde satyp alýǵa ruqsat berdi, dep habarlaidy Dalanews.kz.
ForteBank baspasóz qyzmetiniń habarlaýynsha, HomeITTech – Home Credit Bank ekojúiesine qyzmet kórsetetin tehnologiialyq kompaniia.
"Bul ruqsattar satyp alý protsesin tolyq aiaqtaýǵa múmkindik beredi. Biz atalǵan mámile eki tarapqa da tiimdi bolady dep senemiz: ForteBank óz tehnologiialyq áleýetin keńeitip, naryqtaǵy pozitsiiasyn nyǵaitsa, Home Credit Bank qarjylandyrý turaqtylyǵyn arttyryp, jańa damý múmkindikterin ashady", — dedi ForteBank basqarma tóraǵasy Talǵat Qýanyshev.
Bank ókilderiniń málimetinshe, Home Credit Bank burynǵy tártipte jumysyn jalǵastyra beredi: klientter aldyndaǵy barlyq mindettemeler tolyq kólemde oryndalyp, qyzmetter men ónimder burynǵy sharttarmen qoljetimdi bolyp qala beredi.
Aita keteiik, 2025 jylǵy maýsymda ForteBank pen Home Credit Bank (Qazaqstan) banktiń 100% aktsiiasyn satyp alý jóninde qaǵidatty kelisimge kelgen bolatyn.
