Qarjy monitoringi agenttigi (QMA) Omarket elektrondy dúkeni arqyly jasalǵan memlekettik satyp alýlarǵa qatysty qylmystyq is qozǵaý máselesin ázirge qarastyrý ústinde, dep habarlaidy Dalanews.kz.
Buǵan deiin agenttik tóraǵasynyń orynbasary Qairat Bijanov platformadan 4 mlrd teńgege jýyq negizsiz baǵa kóterý belgileri tabylǵanyn málimdegen bolatyn. Onyń sózinshe, keibir jetkizýshiler kádimgi skotchty 2 teńgeden, al basqalary dál sol ónimdi 99 myń teńgege deiin usynǵan. Sondai-aq 7,5 myńnan astam jaǵdaida baǵa usynystary kelisimshart jasalǵan soń birden joiylǵan.
Nege.Aqsha derekkózi QMA-ǵa resmi saýal joldap, atalǵan soma memleketke keltirilgen zalal retinde qarastyryla ma jáne platforma quryltaishylaryna qatysty is qozǵaldy ma degen suraqtarǵa jaýap surady.
QMA resmi jaýabynda qazirgi tańda Omarket arqyly júzege asqan memlekettik satyp alýlar kezinde biýdjet qarajatynyń tiimdi jumsalýyna taldaý júrgizilip jatqany, al taldaý nátijeleri Úkimetke usynylatynyn málimdedi.
