QMA Shyǵys Qazaqstan oblysy boiynsha departamenti «Taza Óskemen» sharýashylyq júrgizý quqyǵyndaǵy kommýnaldyq memlekettik kásipornynyń burynǵy basshylyǵyna qatysty qala kóshelerin kútip-ustaýǵa bólingen biýdjet qarajatyn jymqyrý deregi boiynsha sotqa deiingi tergep-tekserýdi júrgizýde, dep habarlaidy Dalanews.kz.
Kúdiktilerdiń arasynda kásiporynnyń burynǵy direktory, onyń orynbasary jáne jeke kásipker bar.
Laýazymdyq ókilettikterin paidalana otyryp, kúdiktiler 2022-2023 jyldar aralyǵynda memlekettik satyp alý rásimderin ótkizbesten, júieli túrde biýdjet qarajatyn ózderimen bailanysy bar kommertsiialyq qurylymdardyń esepshottaryna zańsyz aýdaryp otyrǵan.
Qylmystyq shemanyń máni – materialdardy jetkizý jáne tehnikany jalǵa alý boiynsha jalǵan qujattar rásimdeýde bolǵan.
Atap aitqanda, qujattarda joldardy jóndeýge arnalǵan bitým men qum satyp alý, sýdy sorýǵa arnalǵan arnaiy tehnika jaldaý, sondai-aq buǵan deiin ornatylǵan 23 aialdama pavilonyn jasaýǵa qajetti materialdar satyp alý týraly jalǵan derekter kórsetilgen.
Keiin bul qarajat jeke kásipker arqyly qolma-qol aqshaǵa ainaldyrylyp, shemaǵa qatysýshylar arasynda bólingen.
Keltirilgen zalaldyń jalpy somasy 120 mln teńgeden asty.
Qylmystyq jolmen alynǵan tabysqa kúdiktiler Óskemen qalasyndaǵy qymbat turǵyn úi kesheninen páter, «BMW X6M» jáne «Subaru Forester» avtokólikterin, sondai-aq jer ýchaskelerin satyp alǵan. Atalǵan múlikke sot sanktsiiasymen tyiym salyndy.
Kásiporynnyń burynǵy direktoryna qatysty bultartpaý sharasy retinde eki ai merzimge qamaýǵa alý túrindegi shara qoldanyldy.
Tergeý jalǵasýda.
Qazaqstan Respýblikasynyń Qylmystyq-protsessýaldyq kodeksiniń 201-babyna sáikes ózge aqparat jariia etilýge jatpaidy.
