Qazaqstan úkimeti Soltústik Qazaqstan oblysyndaǵy aýyldyq bógetti qaita jóndeýge 1,4 mlrd teńge bólgenin premer-ministrdiń baspasóz qyzmeti málimdedi dep habarlaidy Dalanews.kz.
Qurylys Teplichnoe aýylynda ornalasqan, onda shamamen 1000 adam turady. Qarjyny qaitarylǵan aktivterden jinalǵan arnaiy memlekettik qordan alady.
«Qaita jóndeýdiń maqsaty – qurylymnyń senimdiligin arttyrý jáne eldi mekendi tolyqqandy qorǵaýdy qamtamasyz etý. Joba sondai-aq joldardy qalpyna keltirýdi, temirbeton plitalardy tóseýdi, drenaj júiesin jasaý men abattandyrýdy kózdeidi. Barlyq jumystar aiaqtalǵannan keiin nysannyń joǵarǵy deńgeii 2024 jylǵy sý tasqynynyń eń joǵarǵy deńgeiine teńestiriledi», – dedi úkimette.
Qyzyljar aýdanynyń Teplichnoe aýylyndaǵy bóget 1980 jyly salynǵan. Qurylymnyń uzyndyǵy 380 m, eni orta eseppen 11 m, ortasha biiktigi 4 m bolǵan. 2024 jyly aýdan aýmaǵynda sý tasqynyna bailanysty tótenshe jaǵdai jariialanyp, Teplichnoe aýylyndaǵy turǵyndar evakýatsiialanǵan.
