Túrkistan jastardyń qalasy: óńirde 800 myńǵa jýyq jas býyn bar
Osy jastarymyzdyń 20 myńǵa jýyǵy Ońtústik óńirindegi 306 óndiris oryndarynda eńbek etýde. Máselen, «Álem BT» shulyq shyǵaratyn fabrikadaǵy ujymnyń 90 paiyzǵa jýyǵy jastardan qurylǵan. Al «Kentaý transformator zaýyty» AQ, «QazTransOil» AQ, «Qazaqtelekom» AQ, «Bal tekstil» JShS, «Standart tsement» JShS, «Himfarm» AQ, «Atameken» korporatsiiasy» JShS-degi jumysshylardyń 50 paiyzdan astamy jastar.
Jalpy oblysta qysqa merzimdi kásiptik oqytý baǵdarlamasy boiynsha mamandyǵy joq azamattar men eńbek naryǵynyń suranysyna orai 12 159 azamat mamandyq aldy.
Sonymen qatar, aýyl jastaryn qoldap-qýattaý maqsatynda oblys ákiminiń tapsyrmasymen «Ár aýylǵa óz sheberi» aktsiiasy aiasynda aýyldardaǵy birinshi kezektegi qajetti mamandar tizimi naqtylanyp, 15 mamandyq boiynsha 9253 azamatqa kásiptik bilim berilse, olardyń 5 150-i jastar. Al, «Bastaý–Biznes» jobasymen 1 509 azamat kásipkerlik negizderi boiynsha oqý kýrstaryna joldansa, onyń ishinde 369-y jastar. Búginge deiin 790 azamatqa shaǵyn nesie berilse, onyń ishinde 247-i jastar bolyp tabylady. Munyń bári Elbasynyń tegin kásiptik-tehnikalyq bilim alýdy júzege asyrý tapsyrmasy boiynsha oryndalýda.
Budan bólek, oblysta jastar praktikasymen 14 689 jas turaqty jumyspen qamtyldy. Al «Diplommen aýylǵa» baǵdarlamasymen osy ýaqytqa deiin 6 myńnan astam maman jumysqa ornalasty. 2017 jyly respýblika boiynsha 3232 jas mamanǵa turǵyn úi berý josparlansa, onyń ishinde 9,3 paiyzy nemese 303-i Ońtústiktiń úlesinde. Al respýblika kóleminde 5 896 jas mamanǵa bir jolǵy kótermeleý járdemaqysy tólense, onyń ishinde 15,2 paiyzy nemese 897-si osy oblystyń jastary. Sondai-aq, 315 jasqa turǵyn úi berildi.
Sonymen qatar, jastar arasyndaǵy shaǵyn kásipkerlikti damytý úshin «Yrys» mikro qarjy uiymy 100 mln. teńge kóleminde kepilsiz nesie berildi. Bul keminde 50 jastyń óz kásibin ashýǵa múmkindik týǵyzdy.
