Ońtústiktegi jyl jemisi
Biylǵy jyly gazdandyrý boiynsha atqarylǵan jumystardyń nátijesinde jyl sońynda 59 nysan el igiligine tapsyrylǵan. Onyń ishinde 70 myńǵa jýyq halyq mekendeitin 44 eldi meken «kógildir otynnyń» qyzyǵyn kóre bastaidy. Osylaisha, tabiǵi gazben qamtý kórsetkishi 2018 jyldyń 1 qańtarynda 344 eldi mekenge jetpek. Bul degenimiz oblystyń 1 mln 825 307 turǵyny gazben qamtylmaq. Osy jyly qurylysy júrgen qalǵan nysandar jetkizgish gaz qubyrlary men AGTS-ter bolyp otyr. Bul kórsetkish ótken 2016 jylmen salystyrǵanda 17 paiyzǵa ósken.
Aita keteiik, óńir basshysy Janseiit Túimebaevtyń tapsyrmasymen oblystyń eldi mekenderin 2017-2021 jyldar aralyǵynda gazdandyrýdyń keshendi is-shara jospary ázirlengen bolatyn. Osyǵan sáikes 2021 jyly oblysta qosymsha 383 eldi mekenge tabiǵi gaz jetkizý josparlanýda.
Gazdandyrý jumystaryna qaralǵan joǵaryda atalǵan qarjyǵa budan bólek, oblystyń ekonomikasynyń barlyq sektorlaryn tabiǵi gazben 2050 jyldarǵa deiin qamtamasyz etý maqsatynda 15 avtomattandyrylǵan gaz taratý stantsiialarynyń (AGTS) qurylystary da kirip otyr. Onyń tórteýi, iaǵni, Túrkistan, Iqan, Sairam, Báidibek aýdan-qalalarynda el igiligine berilgen. Úsh avtomattandyrylǵan gaz taratý stantsiialarynyń qurylysy jyl sońyna deiin aiaqtalady dep kútilýde.
OQO ákiminiń baspasóz qyzmeti
