Britandyq er adam apattyń saldarynan betiniń jartysyn joǵaltqannan keiin oǵan 3D-printerde jańa bet jasap shyqty dep habarlaidyDalanews.kz. Mirror basylymyna silteme jasap.
2021 jyly Devon qalasynyń 75 jastaǵy turǵyny Deiv Richards qorqynyshty apattan sátti aman qaldy – velosipedpen kele jatqan ol mas júrgizýshiniń soqqysynan zardap shekti. Er adam birneshe jaraqat aldy: synyqtar, sińir zaqymdanýlary jáne betiniń jartysynda úshinshi dárejeli kúiik. Mundai kúiik kezinde teriniń barlyq qabattary zaqymdanady, jazylǵan kezde ol túiindelip, qalyń ári qozǵalmaityn bolady.
Hirýrgter er adamnyń kózin saqtap qalýǵa tyrysty, biraq infektsiia kórý júikesine taralý qaýpi bolǵandyqtan ony alý qajet boldy. Sodan keiin dárigerler betiniń buzylǵan jartysyn jabý úshin deneniń basqa bóliginen qan tamyrlary bar tin bóligin transplantatsiialady.
NBT rekonstrýktivtik hirýrgiia boiynsha aǵa mamany Emi Deivi aitqandai, 3D-skanerleý naýqastyń qozǵalysyna beiimdeletin protezderdi daiyndaýǵa múmkindik beredi, al basyp shyǵarý úshin qoldanylatyn materialdar terige qaýipsiz bolyp, tinderdiń qurylymyn imitatsiialai alady.
Protez ornatylǵannan keiin Deiv qalpyna kelý kýrsynan ótýdi jalǵastyrdy. Sondai-aq oǵan jeke orbitalyq protez jáne 3D-printerde jasalǵan moiyn korseti daiyndaldy.
Qazir er adam shramdaǵy kerneýdi azaitý úshin emdeýdi jalǵastyrýda.
