Politseiler 16 jastaǵy Sherzat Bolattyń ólimine qatysty taǵy bir adamdy ustady, - dep habarlaidy Dalanews.kz.
Almaty oblystyq politsiia departamentiniń málimetinshe, 17 qazanda Sherzatty óltirý deregi boiynsha júrgizilgen qylmystyq isti tergeý aiasynda K. esimdi taǵy bir kúdikti ustaldy.
"Qazir oqiǵanyń barlyq mán-jaiyn anyqtaýǵa baǵyttalǵan jedel-izdestirý sharalarynyń kesheni jalǵasyp jatyr", - delingen habarlamada.
Talǵarda Sherzat Bolattyń ólimine qatysty is boiynsha 11 adam ustaldy. Buǵan deiin 10 kúdikti týraly habarlanǵan bolatyn.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
Al 15 qazanda Ishki ister vitse-ministri taǵy úsh kúdiktini ustaǵanyn málim etti.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
