پوليتسەيلەر 16 جاستاعى شەرزات بولاتتىڭ ٶلٸمٸنە قاتىستى تاعى بٸر ادامدى ۇستادى, - دەپ حابارلايدى Dalanews.kz.
الماتى وبلىستىق پوليتسييا دەپارتامەنتٸنٸڭ مەلٸمەتٸنشە, 17 قازاندا شەرزاتتى ٶلتٸرۋ دەرەگٸ بويىنشا جٷرگٸزٸلگەن قىلمىستىق ٸستٸ تەرگەۋ اياسىندا ك. ەسٸمدٸ تاعى بٸر كٷدٸكتٸ ۇستالدى.
"قازٸر وقيعانىڭ بارلىق مەن-جايىن انىقتاۋعا باعىتتالعان جەدەل-ٸزدەستٸرۋ شارالارىنىڭ كەشەنٸ جالعاسىپ جاتىر", - دەلٸنگەن حابارلامادا.
تالعاردا شەرزات بولاتتىڭ ٶلٸمٸنە قاتىستى ٸس بويىنشا 11 ادام ۇستالدى. بۇعان دەيٸن 10 كٷدٸكتٸ تۋرالى حابارلانعان بولاتىن.
ەسكە سالايىق, بۇعان دەيٸن تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم كٶز جۇمدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, ساۋدا نٷكتەسٸنە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
كەمەلەتكە تولماعان بالانى ٶلتٸرۋ فاكتٸسٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
قازٸرگٸ تاڭدا كٸنەلٸ دەپ تانىلعان 7 ادام ۇستالىپ, ۋاقىتشا ۇستاۋ يزولياتورىنا قاماۋعا الىنعان.
ال 15 قازاندا ٸشكٸ ٸستەر ۆيتسە-مينيسترٸ تاعى ٷش كٷدٸكتٸنٸ ۇستاعانىن مەلٸم ەتتٸ.
سونىمەن قاتار, الماتى وبلىستىق پوليتسييا دەپارتامەنتٸ باستىعىنىڭ مٸندەتٸن اتقارۋشى شالقاروۆ تٶبەلەستەن كەيٸن قانشا قارۋ تەركٸلەنگەنٸن ايتتى.
ودان كەيٸن شەرزاتتىڭ ٷيٸنە كٷزەت قويىلدى.
كٶپ ۇزاماي مارقۇم شەرزاتتىڭ ٷيٸ ٶرتەندٸ.
