Óte dáýletti shetel azamattaryna AQSh-ta ómir súrip, jumys isteýine múmkindik beretin "altyn kartalar" satylymǵa shyqqaly jatyr. Ony ielengender, túptiń túbinde AQSh azamattyǵyn da ala alady. Bul týraly AQSh prezidenti Donald Tramp arnaiy baspasóz máslihaty kezinde málimdedi. Ol mundai erekshe kartanyń quny shamamen 5 mln dollar bolatynyn da naqtylady, dep jazady Dalanews.kz.
"Biz "altyn kartany" satýdy bastaimyz. Grin-kartańyz bar ma, mine altyn karta degen sol. Biz onyń qunyn belgileýdi josparlap otyrmyz, shamamen 5 million dollar, týra grin-karta beretin barlyq artyqshylyqtar ol arada da qamtylady, onyń ústine ol sizge azamattyq alýǵa jol ashady. Osy kartany satyp alý arqyly bai adamdar bizdiń elimizge kóship keletin bolady", – dedi Tramp CNN telearnasyna bergen suqbatynda.
Bul arada kartanyń "azamattyqqa jol ashady" dep beker aitylyp otyrǵan joq. AQSh-tyń Saýda ministri Govard Liýtniktiń aitýynsha, jańa "altyn karta" qazirgi EB-5 immigratsiialyq vizany berý jónindegi baǵdarlamanyń da fýnktsiiasyn atqarady. Buǵan deiin EB-5 baǵdarlamasy arqyly AQSh-qa investitsiia salýǵa nietti sheteldikterge turaqty turýǵa ruqsat (grin-karta) berilip kelgen.
Prezident Tramp, tipti osyndai "altyn kartalardyń" eki aptadan keiin satylymǵa shyǵatynyn da jetkizdi. Ol qazirdiń ózinde mundai kartanyń milliony ótkeli turǵanyn jetkizdi.
"Quqyqtyq turǵydan alǵanda, bul, sózsiz, zańdy dúnie", - dedi Tramp.
Jýrnalister baspasóz máslihatynda: "Mundai karta reseilik oligarhtarǵa satylýy múmkin be" degen saýaldy alǵa tarta ketti.
- Iá, múmkin. Óz basym, birneshe reseilik oligarhty tanimyn, jap-jaqsy adamdar, - dep DW Tramptyń sózin keltiredi.
Buǵan deiin Zelenskii Tramptyń usynysyn qabyldaǵanyn, Ýkraina men AQSh sirek metaldar jóninde kelisimge qol qoiǵanyn jazǵanbyz.
