El Prezidenti Qasym-Jomart Toqaevtyń bastamasymen sáýir aiynyń basynda iske qosylǵan «Taza Qazaqstan» baǵdarlamasyn qostanailyqtar aýqymdy túrde qoldaýdy jalǵastyrýda. Bul bastamanyń maqsaty – halyqtyń ekologiialyq habardarlyǵyn arttyrý jáne oblystyń ártúrli aimaqtaryndaǵy qorshaǵan ortany jaqsartý.
Baǵdarlama aiasynda óńirde qazirdiń ózinde aýmaqtardy tazartý jáne abattandyrý, qaldyqtardy jinaý jáne qaita óńdeý boiynsha aýqymdy is-sharalar, sondai-aq azamattardyń ekologiialyq saýattylyǵyn arttyrýǵa baǵyttalǵan aǵartý jumystary júrgizildi.
Baǵdarlamany júzege asyrýda jergilikti kásiporyndar jáne qoǵamdyq uiymdarmen yntymaqtastyq mańyzdy ról atqarady. Is-sharalarǵa biznes-qaýymdastyq, jastar, sportshylar men etnomádeni birlestik ókilderi belsendi qatysýda.
Lisakov qalasynda, qala kúnin merekeleý aiasynda uiymdastyrylǵan dástúrli karnaval sherýine 28 uiym qatysty. Sondai-aq, atalǵan sharada JRO mamandary men volonterleri jasyl tústi kiim kiip, transporant, logotipi bar jalaýshalar ustap, «Taza Qazaqstan» uranymen júrip ótti. Sonymen qatar, «Taza Qazaqstan» ulttyq jobasy aiasynda qala kúni «Úzdik aýla» qalalyq baiqaýynyń qorytyndysy shyǵaryldy. Úiler men jergilikti aýmaqty abattandyrý, kútip ustaýǵa belsendi atsalysatyn turǵyndarǵa sertifikat tabystaldy. Mundai sertifikat úzdikt dep tanylǵan aýlany odan ári abattandyrý boiynsha is-sharalardy qarjylandyrý quqyǵyn beredi. Biyl Lisakovsk qalasyndaǵy eń úzdik úsh aýla osyndai yntalandyrýǵa ie boldy.
Turǵyndar arasynda ekologiialyq mádenietti qalyptastyrý estafetasyn Áýliekól óńiriniń turǵyndary da qoldady. Búgin saǵat 8.00-den bastap aýdan ortalyǵyndaǵy saiabaq alańynda sport mektebiniń jattyqtyrýshylary, aýdan sportshylary jáne jastar jinalyp, «Taza Qazaqstan» respýblikalyq ekologiialyq baǵdarlamasy aiasynda sport alańdary men saiabaqtardy tazartty.
«Búginde aýdanymyzda «Taza Qazaqstan» respýblikalyq ekologiialyq baǵdarlamasy aiasynda aýdan jastary men sportshylary saiabaq aýmaqtaryn tazalaý jatyr. Bul bir kúndik is-shara emes. Elbasynyń málimdemesinen keiin jigittermen birge aýdanymyzdy abattandyrý men kógaldandyrýǵa belsene atsalysyp jatyrmyz. Barsha qazaqstandyqtardy «Taza Qazaqstan» baǵdarlamasyna úles qosýǵa shaqyramyz. Elimizdi birge taza eteiik!» – dep atap ótti Áýliekól aýdandyq balalar men jasóspirimder sport mektebiniń jattyqtyrýshysy E.Kóshkimbaev.
Jitiqara aýdanynyń turǵyndary «Taza Qazaqstan» jalpyulttyq baǵdarlamasyn qoldap, jai ǵana senbilik emes, túrli shyǵarmashylyq sharalardy da ótkizýde. «Lider» ÓQB «Jitiqara aýdanynyń jastar resýrstyq ortalyǵy» KMM-men birlesip «Jitiqara – bizdiń ortaq úiimiz» atty plogging formatynda júgirý marafonyn ótkizdi. Shortandy ózeniniń jaǵasy men qala kóshelerinde ótken jarysqa balalar belsene qatysty. Bul sharanyń maqsaty – qoqys shyǵara otyryp, ujymdyq qashyqtyq jarysyn uiymdastyrý.
«Mundai sharaǵa birinshi ret qatysýym, tabiǵatty saqtaýǵa óz úlesimdi qosqym keledi. Meniń oiymsha, bári sátti ótti. Osy plogingke qatysqanyma óte qýanyshtymyn. Bul ideiany júzege asyrǵan uiymdastyrýshyǵa myń alǵys! Aldaǵy ýaqytta da mindetti túrde qatysamyn», - dep «Lider» ÓQB volontery A.Jamanqulova óz emotsiialarymen bólisti.
«Taza Qazaqstan» ekologiialyq baǵdarlamasy aiasynda Fedorov aýdanynda «Tazalyq úshin velosherý» atty velojarys uiymdastyryldy. Is-shara aýyl kóshelerinde ótti. Velosipedshiler qoqys jinap, qorshaǵan ortaǵa jáne qaldyqtardy basqarýǵa paidaly keńester jazylǵan broshiýralardy taratyp, tazalyqtyń mańyzdylyǵyn túsindirdi. Velosherý aiaqtalǵan soń, qatysýshylar ashyq aspan astyndaǵy piknikke jinaldy.
«Aýdanymyzdy kórkeitýge úles qosyp, turǵyndardy qýanta alǵanymyzǵa qýanyshtymyz. Bulaisha kúsh biriktirip, ortaq maqsatqa jetý – taza ári ádemi aýyl qurý úshin mańyzdy», - dep óz áserimen bólisti velosherýge qatysýshylardyń biri, Qostanai fýtbol ligasynyń chempiony S.Husaiynov.
Qostanai aýdany Maikól aýylynda «Taza qaiyń toǵaiy» ekologiialyq aktsiiasy ótkizildi. «Taza Qazaqstan» baǵdarlamasy aiasyndaǵy ekoaktsiiany Maikól aýyldyq okrýgi ákimi apparaty uiymdastyryp, jergilikti turǵyndar, biznes ókilderi, jastar belsene qatysty. Toǵai – aýyl turǵyndarynyń demalyp, serýendeitin, taza aýamen tynystap, sańyraýqulaq pen jidek teretin súiikti oryndarynyń biri. Ekologiialyq sharaǵa qorshaǵan ortanyń tazalyǵyna bei-jai qaramaityn turǵyndar, jalpy 50-ge jýyq adam qatysyp, 80 qaptan astam qoqys jinalyp, qurǵaq shóp shapty.
Maikól aýylynyń týmasy L.Maskevich: «Toǵai – saiabaq aimaǵy, aýyldaǵy qaiyń aǵashtarynyń kóleńkesinde, ashyq aýada kóńildi demalýǵa arnalǵan biregei oryn. Sondyqtan biz árdaiym osy jerlerdi tazartyp, qoqys pen qýraǵan aǵashtardy shyǵarý shyǵaryp tastaimyz. Mundai tazalyq jumystaryn jii júrgizýge tyrysamyz», - dep óz pikirin bildirdi.
Aita ketsek, biyl eldi mekenderdi abattandyrýǵa 11 milliard teńgeden astam qarjy bólingen.
Josparlanǵan 130 myńnan astam kóshettiń 52,8 myńnan astamy otyrǵyzyldy. 90% kóshe jaryqtandyrylyp, 108 aýylǵa jalpy uzyndyǵy 129 shaqyrym qorshaý ornatylady.
Aǵymdaǵy kezeńde (aǵymdaǵy jyldyń 10 sáýiri men 13 tamyzy aralyǵynda) memlekettik organdar men jeke uiymdar, sharýa qojalyqtary, jastar, volonterlik jáne úkimettik emes uiymdar, máslihat depýtattary, PIK, MIB ókilderi tartyldy. Barlyǵy 517,1 myń adam qatysyp, 354 tehnika jumyldyryldy, 325 saiabaq abattandyrylyp, 188,1 myń tonna qoqys shyǵaryldy, 52,8 myńnan astam aǵash otyrǵyzyldy.
