Belgili saıasatker Serik Ábdirahmanov eks-prezıdent Nursultan Nazarbaev halyqqa renjip júrgenin aıtty, - dep habarlaıdy Dalanews.kz. 

Ábdrahmanovtyń sózinshe, Nazarbaev halyqqa ókpelep júrgenin Bolat Nazarbaevtyń asynda aıtqan kórinedi. 

"Nursultan sóılegen sózinde halyqqa degen ókpesin aıtty. Janynda júrgen jigitter arqyly aıtqan bolýy kerek, ókpeleıdi eken. "Mynaý nadan halyq meniń jaqsylyǵymdy..." deıdi, ne jaqsylyq istedi? Sony aınalasy ábden "siz osyndaısyz, siz Nobelge laıyqsyz" dep kóndirgen. Ábden qulaǵyna senip qalǵan. Ol (Nazarbaev) soǵan aldanyp otyr, aqyly shamaly, bilimi joq. Qudaı ony ar-uıattan da aıyrǵan eken. Ony 5 qańtardan keıin bilip otyrmyz. 

Men Nazarbaevqa qarsy bolǵan joqpyn. Men oǵan qatty sózderimdi kirip aıtatynmyn. Urlyq týraly, aınalasy týraly. Iá, ıá dep qoıady", - deıdi Ábdrahmanov Ne boldy arnasyna bergen suhbatynda. 

Ol 1994 jyly Nazarbaevqa kirip, ne aıtqanyn túrtip alǵan. 

"Sol kezde Nurtaı, Ahmetjan, Tereshenko, Nı týraly aıtqanmyn. "El osylardy sizdiń janyńyzdan kórse" kúledi edim. Úndegen joq. Olardy "buzaý" dedim, oı da, túri de joq. Buzaýlar birigip alyp, ózin buqa sezinip, meni saıasattan joq qyldy", - deıdi saıasatker.