Qazaqstanda alaiaqtardan qorǵaný úshin óz atyna "nesiege ýaqytsha tyiym salý" qyzmetiniń qosylǵanyna biraz ýaqyt boldy. Búginderi bul qyzmet túri ońtailandyrylyp, burynǵysynan da ońai bola túsken. Endi "Azamattarǵa arnalǵan Úkimet" portalyna kirip jatýdyń qajeti joq. Tek 1414 nómirine tegin qońyraý shalsańyz, jetkilikti, dep habarlaidy Dalanews.kz.
Iá, endi Qazaqstanda "qońyraý shalý arqyly" nesie berýge tyiym salýǵa bolady. Alaiaqtardan jáne qajetsiz nesielerden qorǵaný úshin 1414 nómirine qońyraý shalyp, daýystyq botty paidalaný jetkilikti. Ol úshin kelesi mynandai sharalardy qabyldaisyz:
- 1414 nómirine qońyraý shalyńyz (tegin);
- Tildi tańdańyz: qazaq/orys;
- "Nesielendirýge tyiym salý" dep aityńyz;
- Dybystyq belgiden keiin JSN-dy engizińiz;
- SMS kodyn alǵan soń áreketti rastańyz.
Osydan keiin:
- Nesielendirýge tyiym sala alasyz;
- Qajet bolǵan jaǵdaida onyń kúshin joia alasyz;
- Qyzmet mártebesin bile alasyz.
Qyzmetti Azamattarǵa arnalǵan úkimet KEAQ-men birlesip Birinshi kredittik biýro iske qosqan. Bul qyzmet, ásirese smartfondardy paidalanbaityn nemese Internetke qol jetimdiligi shekteýli azamattar úshin paidaly bolýy múmkin.
Aita ketsek, nesieler men shaǵyn nesielerdi alýǵa tyiym salý 6 aiǵa belgilenedi jáne bul merzim aiaqtalǵannan keiin avtomatty túrde tyiym alynyp tastalady. Sondai-aq bul shekteýlerdi kez kelgen ýaqytta erikti bas tartý qyzmeti arqyly alyp tastaýǵa bolady.
Buǵan deiin saitymyzda "Uiat bolady". Nelikten qazaqstandyqtar týystary úshin nesie alady" degen maqala jariialanǵan. Bul arada "Qaryzsyz qoǵam" uiymy sarapshy óz keńesimen bólisedi.
