«Qazgidromet» sinoptikteri 27 maýsymǵa arnalǵan daýyldy eskertý jariialady. Eldiń birqatar óńirinde qatty ystyq saqtalyp, kei jerlerde jańbyr, naizaǵai, burshaq jáne daýyldy jel kútiledi, dep habarlaidy dalanews.kz.
Almaty qalasynda kúndiz aýa temperatýrasy 35-36 gradýsqa deiin kóterilip, joǵary órt qaýpi saqtalady. Shymkentte ótkinshi jańbyr jaýyp, naizaǵai oinaidy. Jeldiń ekpini sekýndyna 15-20 metrge deiin jetedi.
Túrkistan, Qyzylorda, Jambyl, Almaty, Abai, Pavlodar, Qaraǵandy jáne Jetisý oblystarynda aptap ystyq bolady. Túrkistan oblysynda kúndiz aýa temperatýrasy 40-41 gradýsqa deiin kóterilse, Qyzylorda oblysynda 40 gradýs, Jambyl oblysynda 38 gradýsqa deiin ystyq kútiledi.
Aqtóbe, Qostanai, Batys Qazaqstan, Soltústik Qazaqstan, Aqmola, Shyǵys Qazaqstan, Mańǵystaý jáne Atyraý oblystarynda jańbyr jaýyp, naizaǵai oinaidy. Kei óńirlerde qatty jańbyr, burshaq jáne daýyldy jel boljanyp otyr.
Sinoptikterdiń málimetinshe, jeldiń ekpini kei aimaqtarda sekýndyna 20-25 metrge deiin kúsheiýi múmkin.
Sonymen qatar elimizdiń kóptegen óńirinde joǵary jáne tótenshe órt qaýpi saqtalady. Ásirese Túrkistan, Qyzylorda, Jetisý, Abai, Qaraǵandy, Ulytaý, Pavlodar, Aqmola jáne Almaty oblystarynda órt qaýpiniń deńgeii joǵary bolady.
Mamandar turǵyndardy aýa raiynyń kúrt ózgerýine bailanysty saqtyq sharalaryn saqtaýǵa, al tótenshe ystyq kezinde múmkindiginshe kún astynda uzaq júrmeýge shaqyrdy.
