«قازگيدرومەت» سينوپتيكتەرٸ 27 ماۋسىمعا ارنالعان داۋىلدى ەسكەرتۋ جارييالادى. ەلدٸڭ بٸرقاتار ٶڭٸرٸندە قاتتى ىستىق ساقتالىپ, كەي جەرلەردە جاڭبىر, نايزاعاي, بۇرشاق جەنە داۋىلدى جەل كٷتٸلەدٸ, دەپ حابارلايدى dalanews.kz.
الماتى قالاسىندا كٷندٸز اۋا تەمپەراتۋراسى 35-36 گرادۋسقا دەيٸن كٶتەرٸلٸپ, جوعارى ٶرت قاۋپٸ ساقتالادى. شىمكەنتتە ٶتكٸنشٸ جاڭبىر جاۋىپ, نايزاعاي وينايدى. جەلدٸڭ ەكپٸنٸ سەكۋندىنا 15-20 مەترگە دەيٸن جەتەدٸ.
تٷركٸستان, قىزىلوردا, جامبىل, الماتى, اباي, پاۆلودار, قاراعاندى جەنە جەتٸسۋ وبلىستارىندا اپتاپ ىستىق بولادى. تٷركٸستان وبلىسىندا كٷندٸز اۋا تەمپەراتۋراسى 40-41 گرادۋسقا دەيٸن كٶتەرٸلسە, قىزىلوردا وبلىسىندا 40 گرادۋس, جامبىل وبلىسىندا 38 گرادۋسقا دەيٸن ىستىق كٷتٸلەدٸ.
اقتٶبە, قوستاناي, باتىس قازاقستان, سولتٷستٸك قازاقستان, اقمولا, شىعىس قازاقستان, ماڭعىستاۋ جەنە اتىراۋ وبلىستارىندا جاڭبىر جاۋىپ, نايزاعاي وينايدى. كەي ٶڭٸرلەردە قاتتى جاڭبىر, بۇرشاق جەنە داۋىلدى جەل بولجانىپ وتىر.
سينوپتيكتەردٸڭ مەلٸمەتٸنشە, جەلدٸڭ ەكپٸنٸ كەي ايماقتاردا سەكۋندىنا 20-25 مەترگە دەيٸن كٷشەيۋٸ مٷمكٸن.
سونىمەن قاتار ەلٸمٸزدٸڭ كٶپتەگەن ٶڭٸرٸندە جوعارى جەنە تٶتەنشە ٶرت قاۋپٸ ساقتالادى. ەسٸرەسە تٷركٸستان, قىزىلوردا, جەتٸسۋ, اباي, قاراعاندى, ۇلىتاۋ, پاۆلودار, اقمولا جەنە الماتى وبلىستارىندا ٶرت قاۋپٸنٸڭ دەڭگەيٸ جوعارى بولادى.
ماماندار تۇرعىنداردى اۋا رايىنىڭ كٷرت ٶزگەرۋٸنە بايلانىستى ساقتىق شارالارىن ساقتاۋعا, ال تٶتەنشە ىستىق كەزٸندە مٷمكٸندٸگٸنشە كٷن استىندا ۇزاق جٷرمەۋگە شاقىردى.
