Venesýelada bolǵan joiqyn jer silkinisinen qaza tapqandar sany 920 adamǵa jetti. Bul týraly el parlamentiniń spikeri Horhe Rodriges málimdedi, dep habarlaidy dalanews.kz "CNN"-ge silteme jasap.
Buǵan deiin Venesýela vitse-prezidenti Delsi Rodriges tabiǵi apat saldarynan 589 adamnyń qaza taýyp, 2890 adamnyń jaralanǵanyn habarlaǵan bolatyn.
Bilik ókilderiniń aitýynsha, qurbandar sany áli de artýy múmkin. Qazirgi ýaqytta qutqarýshylar úiindilerdi ashý jumystaryn jalǵastyryp jatyr jáne olardyń astynan qaza bolǵan adamdardyń deneleri tabylýda.
Venesýelada sársenbi keshi men beisenbi tańynda magnitýdasy 7,2, 7,5 jáne 4,5 baldyq birneshe jer silkinisi tirkelgen. Tabiǵi apat saldarynan kóptegen turǵyn úi men ǵimarat qiraǵan.
Elde tótenshe jaǵdai rejimi engizilip, eń kóp zardap shekken La-Gýaira shtaty áskeri baqylaýǵa berildi.
Qazirgi ýaqytta Venesýela halyqaralyq uiymdar men shet memleketterdiń gýmanitarlyq kómegin qabyldap jatyr.
Aita keteiik, buǵan deiin jer silkinisinen qaza tapqandar sany 235 adam dep habarlanǵan edi.
