ۆەنەسۋەلادا بولعان جويقىن جەر سٸلكٸنٸسٸنەن قازا تاپقاندار سانى 920 ادامعا جەتتٸ. بۇل تۋرالى ەل پارلامەنتٸنٸڭ سپيكەرٸ حورحە رودريگەس مەلٸمدەدٸ, دەپ حابارلايدى dalanews.kz "CNN"-گە سٸلتەمە جاساپ.
بۇعان دەيٸن ۆەنەسۋەلا ۆيتسە-پرەزيدەنتٸ دەلسي رودريگەس تابيعي اپات سالدارىنان 589 ادامنىڭ قازا تاۋىپ, 2890 ادامنىڭ جارالانعانىن حابارلاعان بولاتىن.
بيلٸك ٶكٸلدەرٸنٸڭ ايتۋىنشا, قۇرباندار سانى ەلٸ دە ارتۋى مٷمكٸن. قازٸرگٸ ۋاقىتتا قۇتقارۋشىلار ٷيٸندٸلەردٸ اشۋ جۇمىستارىن جالعاستىرىپ جاتىر جەنە ولاردىڭ استىنان قازا بولعان ادامداردىڭ دەنەلەرٸ تابىلۋدا.
ۆەنەسۋەلادا سەرسەنبٸ كەشٸ مەن بەيسەنبٸ تاڭىندا ماگنيتۋداسى 7,2, 7,5 جەنە 4,5 بالدىق بٸرنەشە جەر سٸلكٸنٸسٸ تٸركەلگەن. تابيعي اپات سالدارىنان كٶپتەگەن تۇرعىن ٷي مەن عيمارات قيراعان.
ەلدە تٶتەنشە جاعداي رەجيمٸ ەنگٸزٸلٸپ, ەڭ كٶپ زارداپ شەككەن لا-گۋايرا شتاتى ەسكەري باقىلاۋعا بەرٸلدٸ.
قازٸرگٸ ۋاقىتتا ۆەنەسۋەلا حالىقارالىق ۇيىمدار مەن شەت مەملەكەتتەردٸڭ گۋمانيتارلىق كٶمەگٸن قابىلداپ جاتىر.
ايتا كەتەيٸك, بۇعان دەيٸن جەر سٸلكٸنٸسٸنەن قازا تاپقاندار سانى 235 ادام دەپ حابارلانعان ەدٸ.
