قازاقستاندا الاياقتاردان قورعانۋ ٷشٸن ٶز اتىنا "نەسيەگە ۋاقىتشا تىيىم سالۋ" قىزمەتٸنٸڭ قوسىلعانىنا بٸراز ۋاقىت بولدى. بٷگٸندەرٸ بۇل قىزمەت تٷرٸ وڭتايلاندىرىلىپ, بۇرىنعىسىنان دا وڭاي بولا تٷسكەن. ەندٸ "ازاماتتارعا ارنالعان ٷكٸمەت" پورتالىنا كٸرٸپ جاتۋدىڭ قاجەتٸ جوق. تەك 1414 نٶمٸرٸنە تەگٸن قوڭىراۋ شالساڭىز, جەتكٸلٸكتٸ, دەپ حابارلايدى Dalanews.kz.
يە, ەندٸ قازاقستاندا "قوڭىراۋ شالۋ ارقىلى" نەسيە بەرۋگە تىيىم سالۋعا بولادى. الاياقتاردان جەنە قاجەتسٸز نەسيەلەردەن قورعانۋ ٷشٸن 1414 نٶمٸرٸنە قوڭىراۋ شالىپ, داۋىستىق بوتتى پايدالانۋ جەتكٸلٸكتٸ. ول ٷشٸن كەلەسٸ مىنانداي شارالاردى قابىلدايسىز:
- 1414 نٶمٸرٸنە قوڭىراۋ شالىڭىز (تەگٸن);
- تٸلدٸ تاڭداڭىز: قازاق/ورىس;
- "نەسيەلەندٸرۋگە تىيىم سالۋ" دەپ ايتىڭىز;
- دىبىستىق بەلگٸدەن كەيٸن جسن-دى ەنگٸزٸڭٸز;
- SMS كودىن العان سوڭ ەرەكەتتٸ راستاڭىز.
وسىدان كەيٸن:
- نەسيەلەندٸرۋگە تىيىم سالا الاسىز;
- قاجەت بولعان جاعدايدا ونىڭ كٷشٸن جويا الاسىز;
- قىزمەت مەرتەبەسٸن بٸلە الاسىز.
قىزمەتتٸ ازاماتتارعا ارنالعان ٷكٸمەت كەاق-مەن بٸرلەسٸپ بٸرٸنشٸ كرەديتتٸك بيۋرو ٸسكە قوسقان. بۇل قىزمەت, ەسٸرەسە سمارتفونداردى پايدالانبايتىن نەمەسە ينتەرنەتكە قول جەتٸمدٸلٸگٸ شەكتەۋلٸ ازاماتتار ٷشٸن پايدالى بولۋى مٷمكٸن.
ايتا كەتسەك, نەسيەلەر مەن شاعىن نەسيەلەردٸ الۋعا تىيىم سالۋ 6 ايعا بەلگٸلەنەدٸ جەنە بۇل مەرزٸم اياقتالعاننان كەيٸن اۆتوماتتى تٷردە تىيىم الىنىپ تاستالادى. سونداي-اق بۇل شەكتەۋلەردٸ كەز كەلگەن ۋاقىتتا ەرٸكتٸ باس تارتۋ قىزمەتٸ ارقىلى الىپ تاستاۋعا بولادى.
بۇعان دەيٸن سايتىمىزدا "ۇيات بولادى". نەلٸكتەن قازاقستاندىقتار تۋىستارى ٷشٸن نەسيە الادى" دەگەن ماقالا جارييالانعان. بۇل ارادا "قارىزسىز قوعام" ۇيىمى ساراپشى ٶز كەڭەسٸمەن بٶلٸسەدٸ.
