Baǵdarlamanyń basty maqsaty retinde COVID-19 pandemıasynyń jaǵymsyz saldaryn azaıtý jáne ótkir áleýmettik máselelerge tıimdi jaýap berý jónindegi azamattyq bastamalardy qoldaý boldy.
2021 jyldyń tamyz ben jeltoqsan aılary aralyǵynda 16 óńirlik ÚEU Qazaqstannyń 14 óńirinde 16 423 benefısıarǵa jan-jaqty kómek kórsetti.
"Qolda 3.0" baǵdarlamasy áleýmettik sanattardyń ómir súrý sapasyn jaqsartý jáne ınklúzıvti bolashaq qurý boıynsha jańa ıdeıalary bar qoǵam belsendilerin biriktirdi.
Túrkistan oblysynda otbasylyq-turmystyq zorlyq-zombylyqtyń aldyn alý boıynsha 14 aqparattyq naýqan ótkizildi.
326 aýyl áıeli men qyzy quqyqtyq saýattylyǵyn arttyryp, óz quqyqtaryn qorǵaý tetikteri týraly bile aldy, 314 áıel men qyz quqyqtyq jáne psıhologıalyq kómek aldy, 106 agresor er adam turmystyq zorlyq-zombylyqtyń aldyn alý boıynsha psıhologıalyq ońaltý baǵdarlamasy aıasynda kómek aldy. Almaty oblysynda sýısıdke beıim 444 oqýshy psıhoterapıalyq sesıadan ótti.
Óskemen qalasynda estý qabileti buzylǵan adamdardy aqparattyq, konsýltasıalyq, psıhologıalyq kómekpen qamtamasyz etý úshin daǵdarys ortalyǵynyń keńsesi ashyldy. Mamandar ym tilinde 122 psıhologıalyq keńes ótkizdi.
Semeı qalasynda 2300-den astam bala qalalyq ekoaksıalar men ekologıalyq mektep is-sharalaryna qatysty.
Qaraǵandy oblysynda 70 ekotrener men ekovolonter jastarǵa ekologıalyq bilim berý boıynsha oqytýdan ótti. 1000-nan astam kolej stýdenti jasyl ómir saltyn nasıhattaý boıynsha senbilik, ekoaksıa, ekomarafon, baıqaýlar sıaqty is-sharalarǵa qatysty.
Soltústik Qazaqstan oblysynda aýyl turǵyndary sıfrlyq saýattylyq boıynsha 1110 keńes aldy.
Pavlodar oblysynda qoǵamdyq nysandardyń múgedekdigi bar adamdar men turǵyndardyń qozǵalysy shekteýli toptary úshin qoljetimdilik deńgeıin baǵalaý jáne odan ári beıimdeý tetigi ázirlendi.
AITV jáne týberkýlezben aýyratyn adamdardyń quqyqtaryn nasıhattaıtyn ÚEU respýblıkanyń 5 oblysyn biriktirgen QR Pasıentter odaǵyn qurdy. Barlyq jobalardy júzege asyrý úshin memlekettik organdardan 78 áriptes jáne 45 seriktes uıym kómektesti.
“QOLDA baǵdarlamasy keńeıip kele jatqanyna óte qýanyshtymyz jáne bul joly biz ártúrli baǵyttaǵy jobalardy qoldaı aldyq. Biz úshin eko-bilim berý, sıfrlyq saýattylyqqa, tigý daǵdylaryna oqytý jáne jumys oryndaryn qurý jónindegi jobalar, ári zań shyǵarýshylyq jobalar jańa jobalar boldy. Budan bólek, baǵdarlama óńirlik uıymdarǵa qoldaý kórsetýge, olarǵa ózderiniń biregeı ıdeıalaryn iske asyrýǵa múmkindik berýge jáne benefısıarlardy barynsha qamtý úshin aýyldyq aýdandarǵa barýǵa tyrysady”, – Alıa Ispaeva, Ortalyq Azıanyń Eýrazıa Qorynyń “Qolda” baǵdarlamasynyń menejeri.
“Shevron” kompanıasynyń qoldaýymen Ortalyq Azıanyń Eýrazıa Qory júzege asyryp otyrǵan “Qolda” jedel kómek baǵdarlamasy respýblıkamyzdaǵy COVID-19 pandemıasynyń jaǵymsyz saldaryn barynsha azaıtýǵa kómektesip qana qoımaı, sonymen qatar azamattyq qoǵamnyń damýyna jańa serpin berip, qoǵamdyq uıymdardyń zamanaýı qoǵamnyń máselelerin sheshýge óz úlesin qosa alatyndyǵyn kórsetti. Baǵdarlama myńdaǵan otandastarymyzǵa júıeli gýmanıtarlyq, quqyqtyq, psıhologıalyq kómek kórsetý boıynsha orasan zor jumys júrgizetin ámbebap alańǵa aınaldy jáne “Kúshimiz birlikte!” postýlatyn taǵy da bir márte rastady”, – Janar Koshpanova, “Shevron” kompanıasynyń ókili.
“Qolda” baǵdarlamasy óz jumysyn jalǵastyryp jatyr. Aqpan aıynda bul baǵdarlamanyń kelesi kezeńi jarıalanady. Barlyq málimet resmı saıtta jarıalanady: http://qolda.org/.
