Jobanyń birinshi kezeńi aıasynda «Pýstynnoeda» ZIIoT-ty ERP, SCADA, personaldy basqarý, narád-tapsyrmalardy baqylaý júıelerimen, zerthanalyq, taý-ken-geologıalyq jáne altyn shyǵarý fabrıkasy men baǵaly metaldar óndirý zaýytynyń basqa da aqparattyq júıelerimen ıntegrasıalaý júrgiziledi. Osylaısha biryńǵaı sıfrlyq qabat qurylady: qaıta óńdeý boıynsha óndiristik derekter endi platformada jınaqtalyp, biriktiriledi jáne ol derekter negizgi paıdalanýshylarǵa jedel rejımde qoljetimdi bolady. Budan basqa, platforma negizinde qosymshalar jasaý úshin ınfraqurylym jasalyp, dıagnostıkalyq júıe engizildi.
Ken ornynda óndiristi basqarý maqsatynda dıspecherleýdi avtomattandyrý jáne sapany baqylaý úshin birqatar qoldanbalar engizildi, zerthanalyq úderister sıfrlandyryldy jáne metal teńgerimi boıynsha blok jasaqtaldy. «Altynalmas» basshylyǵy dıspecherleý qyzmetteriniń kómegimen álemniń kez kelgen ınternet bar jerinen óndiristegi naqty jaǵdaıdy barlyq óndiristik júıelerden jınaqtalǵan derekter arqyly kóre alady, al sapany baqylaý qyzmetteri kásiporyn tehnologtaryna kendi qaıta óńdeý kezindegi tehnologıalyq úrdisterdegi aýytqýlardy jedel anyqtaýǵa jáne olardy joıýǵa múmkindik beredi.
Zerthanany avtomattandyrýdyń arqasynda synamalardy irikteý jáne esepteý kezinde adam faktorynyń áseri qysqartyldy, bul jalpy alǵanda zerthanalyq synaqtardyń sapasy men tıimdiligin arttyrdy, sapa týraly derekterdiń biryńǵaı kózi quryldy, bul derekterdi óndirýshilerge dereý berý jolǵa qoıyldy, ishki qujat aınalymy sıfrlandyryldy jáne ádistemeler deńgeıinde syrtqy zerthanamen jiksiz ıntegrasıalaý iske asyryldy.
«Metal teńgerimi» blogy sheńberinde materıaldyq aǵyndardyń syzbasy men metaldy óńdeý úrdisteriniń modeli jasaldy, materıaldyq jáne taýarlyq balanstar jınaqtaldy, sapalyq-sandyq aǵyndardy jınaý jáne merzimdi balanstyq kórsetkishterdi esepteý avtomattandyryldy, sondaı-aq eseptik nysandar sıfrlandyryldy. Bul esepke alý kezinde shyǵyndar men qatelikterdiń paıda bolý ornyn tez anyqtaýǵa, jospardan tys shyǵyndardyń aldyn alýǵa jáne materıaldyq-taýarlyq teńgerim arasyndaǵy úılespeýshilikti azaıtýǵa múmkindik beredi.
Jobanyń kelesi kezeńderinde óndiristik kestesin jasaqtaý jáne ońtaılandyrý jáne elektr energıasyn tolassyz esepke alý boıynsha fýnksıonalyn iske asyrý, sondaı-aq biryńǵaı sıfrlyq platformany damytýdy jalǵastyrý josparlanýda. Budan ári óndiristi basqarý úshin engizilgen platforma men qoldanbaly sheshimder «Dolınnoe» nysanyna jalǵastyrylady.
«Altynalmas AK» AQ AT jáne korporatıvtik damý jónindegi vıse-prezıdenti Janara Amanjolova: ««Sıfrlyq kenish» baǵdarlamasy bizdiń kásiporyn deńgeıinde ǵana emes, búkil taý-ken metalýrgıa salasy úshin de mańyzdy boldy. Biz onyń aıasynda 20-dan astam jobany iske asyryp kelemiz, osynyń negizinde jasalyp jatqan platforma men qoldanbaly servısterdi engizý jobasy – mańyzdy jobalardyń biri. Ol barlyq negizgi óndiristik úrdisterdi qamtıdy jáne keıingi barlyq sıfrlyq bastamalarymyzdy iske asyrý úshin «otyn» bolatyn óndiris týraly derekterdi jınaıdy», - dep túsindirdi.
«Sıfranyń» basqarýshy dırektory Pavel Rastopshı: «Qoldanbaly sıfrlyq sheshimderdi qurý jáne qoldanystaǵy júıelermen ıntegrasıalaý múmkindigi bar jáne mundaı sıfrlyq platforma óndiris mindetin aıtarlyqtaı jeńildetedi, kompanıalarǵa bıznes aldynda turǵan mindetterdi tez ári az eńbek shyǵynymen sheshýge múmkindik beredi», — dep túsindirdi.
ZIIoT engizý 2019 jyly bastalǵan «Altynalmas» jáne «Sıfra» yntymaqtastyǵynyń jalǵasy bolyp tabylady. Esterińizge sala keteıik, buǵan deıin «Sıfra» kompanıa úshin elektrondyq sıfrlyq qoltańbany paıdalana otyryp, aýysymdyq tapsyrmalardy basqarýdyń avtomattandyrylǵan júıesin óristetýdi iske asyrǵan bolatyn. Osy júıeniń kómegimen kásipterine sáıkes qyzmetkerler arasynda tapsyrmalardy úlestirý jáne aýysym aldyndaǵy tekserý negizinde qyzmetkerlerdiń jumysqa ótýin baqylaý júzege asyrylady.
