جوبانىڭ ءبىرىنشى كەزەڭى اياسىندا «پۋستىننوەدا» ZIIoT-تى ERP، SCADA، پەرسونالدى باسقارۋ، نارياد-تاپسىرمالاردى باقىلاۋ جۇيەلەرىمەن، زەرتحانالىق، تاۋ-كەن-گەولوگيالىق جانە التىن شىعارۋ فابريكاسى مەن باعالى مەتالدار ءوندىرۋ زاۋىتىنىڭ باسقا دا اقپاراتتىق جۇيەلەرىمەن ينتەگراسيالاۋ جۇرگىزىلەدى. وسىلايشا ءبىرىڭعاي سيفرلىق قابات قۇرىلادى: قايتا وڭدەۋ بويىنشا وندىرىستىك دەرەكتەر ەندى پلاتفورمادا جيناقتالىپ، بىرىكتىرىلەدى جانە ول دەرەكتەر نەگىزگى پايدالانۋشىلارعا جەدەل رەجيمدە قولجەتىمدى بولادى. بۇدان باسقا، پلاتفورما نەگىزىندە قوسىمشالار جاساۋ ءۇشىن ينفراقۇرىلىم جاسالىپ، دياگنوستيكالىق جۇيە ەنگىزىلدى.
كەن ورنىندا ءوندىرىستى باسقارۋ ماقساتىندا ديسپەچەرلەۋدى اۆتوماتتاندىرۋ جانە ساپانى باقىلاۋ ءۇشىن ءبىرقاتار قولدانبالار ەنگىزىلدى، زەرتحانالىق ۇدەرىستەر سيفرلاندىرىلدى جانە مەتالل تەڭگەرىمى بويىنشا بلوك جاساقتالدى. «التىنالماس» باسشىلىعى ديسپەچەرلەۋ قىزمەتتەرىنىڭ كومەگىمەن الەمنىڭ كەز كەلگەن ينتەرنەت بار جەرىنەن وندىرىستەگى ناقتى جاعدايدى بارلىق وندىرىستىك جۇيەلەردەن جيناقتالعان دەرەكتەر ارقىلى كورە الادى، ال ساپانى باقىلاۋ قىزمەتتەرى كاسىپورىن تەحنولوگتارىنا كەندى قايتا وڭدەۋ كەزىندەگى تەحنولوگيالىق ۇردىستەردەگى اۋىتقۋلاردى جەدەل انىقتاۋعا جانە ولاردى جويۋعا مۇمكىندىك بەرەدى.
زەرتحانانى اۆتوماتتاندىرۋدىڭ ارقاسىندا سىنامالاردى ىرىكتەۋ جانە ەسەپتەۋ كەزىندە ادام فاكتورىنىڭ اسەرى قىسقارتىلدى، بۇل جالپى العاندا زەرتحانالىق سىناقتاردىڭ ساپاسى مەن تيىمدىلىگىن ارتتىردى، ساپا تۋرالى دەرەكتەردىڭ ءبىرىڭعاي كوزى قۇرىلدى، بۇل دەرەكتەردى وندىرۋشىلەرگە دەرەۋ بەرۋ جولعا قويىلدى، ىشكى قۇجات اينالىمى سيفرلاندىرىلدى جانە ادىستەمەلەر دەڭگەيىندە سىرتقى زەرتحانامەن جىكسىز ينتەگراسيالاۋ ىسكە اسىرىلدى.
«مەتالل تەڭگەرىمى» بلوگى شەڭبەرىندە ماتەريالدىق اعىنداردىڭ سىزباسى مەن مەتالدى وڭدەۋ ۇردىستەرىنىڭ مودەلى جاسالدى، ماتەريالدىق جانە تاۋارلىق بالانستار جيناقتالدى، ساپالىق-ساندىق اعىنداردى جيناۋ جانە مەرزىمدى بالانستىق كورسەتكىشتەردى ەسەپتەۋ اۆتوماتتاندىرىلدى، سونداي-اق ەسەپتىك نىساندار سيفرلاندىرىلدى. بۇل ەسەپكە الۋ كەزىندە شىعىندار مەن قاتەلىكتەردىڭ پايدا بولۋ ورنىن تەز انىقتاۋعا، جوسپاردان تىس شىعىنداردىڭ الدىن الۋعا جانە ماتەريالدىق-تاۋارلىق تەڭگەرىم اراسىنداعى ۇيلەسپەۋشىلىكتى ازايتۋعا مۇمكىندىك بەرەدى.
جوبانىڭ كەلەسى كەزەڭدەرىندە وندىرىستىك كەستەسىن جاساقتاۋ جانە وڭتايلاندىرۋ جانە ەلەكتر ەنەرگياسىن تولاسسىز ەسەپكە الۋ بويىنشا فۋنكسيونالىن ىسكە اسىرۋ، سونداي-اق ءبىرىڭعاي سيفرلىق پلاتفورمانى دامىتۋدى جالعاستىرۋ جوسپارلانۋدا. بۇدان ءارى ءوندىرىستى باسقارۋ ءۇشىن ەنگىزىلگەن پلاتفورما مەن قولدانبالى شەشىمدەر «دوليننوە» نىسانىنا جالعاستىرىلادى.
«التىنالماس اك» اق ات جانە كورپوراتيۆتىك دامۋ جونىندەگى ۆيسە-پرەزيدەنتى جانارا امانجولوۆا: ««سيفرلىق كەنىش» باعدارلاماسى ءبىزدىڭ كاسىپورىن دەڭگەيىندە عانا ەمەس، بۇكىل تاۋ-كەن مەتاللۋرگيا سالاسى ءۇشىن دە ماڭىزدى بولدى. ءبىز ونىڭ اياسىندا 20-دان استام جوبانى ىسكە اسىرىپ كەلەمىز، وسىنىڭ نەگىزىندە جاسالىپ جاتقان پلاتفورما مەن قولدانبالى سەرۆيستەردى ەنگىزۋ جوباسى – ماڭىزدى جوبالاردىڭ ءبىرى. ول بارلىق نەگىزگى وندىرىستىك ۇردىستەردى قامتيدى جانە كەيىنگى بارلىق سيفرلىق باستامالارىمىزدى ىسكە اسىرۋ ءۇشىن «وتىن» بولاتىن ءوندىرىس تۋرالى دەرەكتەردى جينايدى»، - دەپ ءتۇسىندىردى.
«سيفرانىڭ» باسقارۋشى ديرەكتورى پاۆەل راستوپشي: «قولدانبالى سيفرلىق شەشىمدەردى قۇرۋ جانە قولدانىستاعى جۇيەلەرمەن ينتەگراسيالاۋ مۇمكىندىگى بار جانە مۇنداي سيفرلىق پلاتفورما ءوندىرىس مىندەتىن ايتارلىقتاي جەڭىلدەتەدى، كومپانيالارعا بيزنەس الدىندا تۇرعان مىندەتتەردى تەز ءارى از ەڭبەك شىعىنىمەن شەشۋگە مۇمكىندىك بەرەدى»، — دەپ ءتۇسىندىردى.
ZIIoT ەنگىزۋ 2019 جىلى باستالعان «التىنالماس» جانە «سيفرا» ىنتىماقتاستىعىنىڭ جالعاسى بولىپ تابىلادى. ەستەرىڭىزگە سالا كەتەيىك، بۇعان دەيىن «سيفرا» كومپانيا ءۇشىن ەلەكتروندىق سيفرلىق قولتاڭبانى پايدالانا وتىرىپ، اۋىسىمدىق تاپسىرمالاردى باسقارۋدىڭ اۆتوماتتاندىرىلعان جۇيەسىن ورىستەتۋدى ىسكە اسىرعان بولاتىن. وسى جۇيەنىڭ كومەگىمەن كاسىپتەرىنە سايكەس قىزمەتكەرلەر اراسىندا تاپسىرمالاردى ۇلەستىرۋ جانە اۋىسىم الدىنداعى تەكسەرۋ نەگىزىندە قىزمەتكەرلەردىڭ جۇمىسقا ءوتۋىن باقىلاۋ جۇزەگە اسىرىلادى.
