"Almaty qalasynyń ákimdigi «Almaty q. jer qatynastary basqarmasy» KMM májbúrli túrde «Qazaqfilmniń» jer ýchaskesinen 5,5482 gektardy «Ethnoland» ulttyq-mádeni keshen salý maqsatynda tartyp almaq" dep habarlaidy kinostýdiianyń baspasóz qyzmeti.
Osy oraida, «Sh.Aimanov atyndaǵy «Qazaqfilm» AQ atalǵan iske qatysty bul sheshimmen kelispeitinin aita otyryp, Jer kodeksiniń 84 baby 2 t. 4 t. V alǵa tartady:
«Jer ýchaskesi memleket muqtajy úshin erekshe jaǵdailarda, bul muqtajdy ózge de tásilmen qanaǵattandyrý múmkin bolmaǵan jáne múlikti menshik iesiniń nemese memlekettik emes jer paidalanýshynyń kelisimimen teń quny ótelgen kezde ne sot sheshimi boiynsha májbúrlep ielikten shyǵarylýy múmkin.
Avtomobil jáne temir joldardyń qurylysy (rekonstrýktsiiasy), áýejailar, áýeailaqtar, aeronavigatsiia obektileriniń jáne aviatehnikalyq ortalyqtardyń, temirjol kóligi obektileriniń, kópirlerdiń, metropolitenderdiń, tonnelderdiń, energetika júieleri men elektr taratý jelileri, bailanys jelileri obektileriniń, ǵarysh qyzmetin qamtamasyz etetin obektilerdiń, magistraldyq qubyrlardyń, injenerlik-kommýnikatsiialyq jelilerdiń, strategiialyq obektilerge jatatyn munai óńdeý óndirisi obektileriniń, kontsessiialyq jobalardy iske asyrý, eldi mekenderdiń ortaq paidalanýyndaǵy obektilerdiń qurylysy (rekonstrýktsiiasy) jáne taǵy basqa».
Onyń ústine, ýaqytsha jer ýchaskesin paidalaný quqyǵy týraly 2010 jyly qabyldanǵan jer aktisinde, kinostýdiiaǵa 50 jylǵa jalǵa berilgen jer telimi bólinbeitin dep kórsetilgen. Osylaisha, jer ýchaskesin bólip alý QR jer zańnamasyn tikelei buzý bolyp tabylady.
Aita ketelik, Almaty qalasynyń ákimshiligi tartyp alǵaly jatqan ýchaskede «Qazaq handyǵy» serialynyń dekoratsiiasy birneshe jyldan beri tur.
Atalǵan dekoratsiia búgingi tańda tek Qazaqstan kinematografisteriniń emes, sonymen qatar, sheteldik kinogerler paidasyna da jarap tur.
Jáne de atalǵan ýchaskede aýqymdy tarihi «Tomiris» (bas prodiýseri Áliia Nazarbaeva, rejisseri Aqan Sataev, «Qazaqfilm» jáne «Sataifilm» óndirisi) atty kartinasyna arnalǵan dekoratsiia soǵylyp jatyr. Onyń túsirilimderi qyrkúiek aiynda bastalǵaly otyr.
Sháken Aimanov atyndaǵy «Qazaqfilm» AQ atalǵan territoriiasyndaǵy bar dekoratsiialardan bólek, basqa da filmderge arnap túsirilim alańdaryn turǵyzbaq. Atap aitqanda, «Elbasy joly» kinoepopeiasynyń «V epitsentre mira» atty filmi jáne de basqa da mańyzy zor kórkem týyndylar.
Jer ýchaskesi tartyp alynǵan jaǵdaida filmderdi túsirý úrdisi toqtap, QR Mádeniet jáne sport ministrligi bekitken taqyryptyq jospar oryndalmai qalý qaýpi tónip tur.
«Sh. Aimanova atyndaǵy «Qazaqfilm» AQ» – Qazaqstandaǵy negizgi kinoalań, óndirispen jáne kórkem filmderdiń, derekti jáne animatsiialyq filmderdiń post-prodýktsiiasymen ainalysady.
Kinostýdiia 1934 jyly Almaty kinomuraǵat stýdiiasy bolyp quryldy, 1936 jyly alǵashqy derekti filmderdi usyna bastady. 1941 jyldyń 15-qarashasynda Almaty kinostýdiiasy «Mosfilm» jáne «Lenfilm» kinostýdiiasymen birge Almatyda 1944 jylǵa deiin jumys istegen jáne soǵys jyldarynda otandyq kórkem filmderdiń 80 %-yn shyǵarǵan Birikken kinostýdiialar ortalyǵy - BKO-ǵa qosyldy.
1960 jyldyń 9 qańtarynda Almaty kórkem jáne hronikalyq film kinostýdiiasyn «Qazaqfilm» kinostýdiiasy degen ataýǵa aýystyrdy. 1984 jyly kinostýdiiaǵa ulttyq kinematografiianyń kórnekti qairatkeri Sháken Kenjetaiuly Aimanovtyń aty berildi.
