Qyrǵyzstannyń burynǵy MUQK tóraǵasy Qamshybek Táshıev elge oralyp, İshki ister mınıstrliginiń Bas tergeý basqarmasynda jaýap berip jatyr. Bul týraly birneshe jergilikti BAQ jazdy, dep habarlaıdy Dalanews.kz.
Kaktus.media dereginshe, ol jerge tańǵy saǵat 10 shamasynda barǵan. Qazir Qamshybek Táshıev İİM-niń Bas tergeý basqarmasy ǵımaratynda.
Al 24.kg málimetine qaraǵanda, Qamshybek Táshıev eki qylmystyq is boıynsha kýá retinde tergeý sharalaryna shaqyrylǵan. Ol tergeýshige advokatymen birge kirgen.
Aıta keteıik, 10 aqpanda Qyrǵyzstannyń Mınıstrler kabıneti tóraǵasynyń orynbasary – Memlekettik ulttyq qaýipsizdik komıtetiniń tóraǵasy Qamshybek Táshıev qyzmetinen bosatyldy.
