QR Oqý-aǵartý ministrligi barlyq mektepke deiingi, sondai-aq tehnikalyq jáne kásiptik bilim berý uiymdarynda mediatsiia júiesi iske qosylady. Bul bastama balalar, stýdentter, pedagogtar men ata-analar arasyndaǵy túsinispeýshilikterdi beibit jolmen sheshýge múmkindik beredi. Sonymen qatar jańa qurylym býllingtiń aldyn alýǵa baǵyttalady, dep habarlaidy Dalanews.kz.
Balabaqshalarda atalǵan qurylym tárbieshiler men ata-analarǵa búldirshinder arasyndaǵy kelispeýshilikterdi retteýge kómektesedi. Sondai-aq, balalardyń boiynda kishkentai kezinen bastap til tabysý, bólise bilý, ortaq mámilege kelý jáne janjaldardan beibit jolmen shyǵý daǵdylaryn qalyptastyrady.
Kolledjderde bul tetik stýdentter arasyndaǵy arazdyqty sheshýge, qorlyq kórsetý jaǵdailaryna jol bermeýge jáne bilim alýshylar arasyndaǵy qaqtyǵystardy azaitýǵa septigin tigizedi.
Jumys barysy birkelki bolýy úshin Y.Altynsarin atyndaǵy Ulttyq bilim akademiiasy ázirlegen ádistemelik usynymdar men erejeler negizge alynady. Onda daýlardy sheshý men agressiianyń aldyn alýdyń naqty joldary kórsetilgen.
Mediatsiia tobynyń quramyna direktordyń tárbie isi jónindegi orynbasary, pedagog-psihologtar, áleýmettik mamandar, ata-analar, qoǵamdyq uiym ókilderi, sondai-aq jas ereksheligine qarai bilim alýshylardyń ózderi de kiredi.
Aita keteiik, mundai tájiribe buǵan deiin «100 mediativtik mektep» jobasy aiasynda engizilgen bolatyn. Ol daý-damailardyń aldyn alýda jáne oqýshylar arasyndaǵy jaǵymdy psihologiialyq ahýaldy qalyptastyrýda óz tiimdiligin dáleldedi.
