Joǵarǵy sot "Biz birgemiz" qaiyrymdylyq qory arqyly anasymen birge iri kólemde qarajat jymqyrdy degen kúdikke ilingen Perizat Qairatqa qatysty sot otyrysyn onlain kórsetý máselesi suranys bolǵan jaǵdaida qarastyrylýy múmkin ekenin málimdedi, dep habarlaidy Dalanews.kz Qazaqparatqa silteme jasap.
Vedomstvonyń resmi jaýabynda atap ótilgendei, qazirgi tańda Perizat Qairatqa qatysty qylmystyq is sotqa túspegen. Alaida is sot qaraýyna berilgen jaǵdaida jáne qoǵam tarapynan, sonyń ishinde zańgerler men quqyq qorǵaýshylar tarapynan tikelei efirde kórsetýdi suraǵan ótinishter tússe, bul másele talqylanatyny aitylǵan.
Eske salaiyq, buǵan deiin Qarjylyq monitoringi agenttigi Perizat Qairat pen onyń anasy Gaini Alashbaevaǵa qatysty alaiaqtyq jáne qylmystyq jolmen alynǵan aqsha men múlikti zańdastyrý faktileri boiynsha sotqa deiingi tergep-tekserýdi aiaqtady.
2025 jylǵy 19 naýryzda taraptar 109 tomnan turatyn qylmystyq is materialdarymen tanysýǵa kiristi.
Buǵan deiin habarlanǵandai, zalal somasy 3,5 mlrd teńgeni qurady.
Urlanǵan qarajatqa satyp alynǵan 865 mln teńge kólemindegi múlikke tyiym salyndy.
Qylmystyq is aiyptaý aktisin bekitý jáne sotqa joldaý úshin Bas prokýratýraǵa berildi.
