Buryn Perizat Qairatqa tiesili bolǵan ári aýktsionǵa shyǵarylǵan qymbat Mercedes kóligi Astana qalasynyń politsiiasyna berildi, dep habarlaidy Dalanews.kz.
Elordanyń Memlekettik múlik jáne jekeshelendirý departamenti málimetinshe, múlik satylymǵa shyǵarylmas buryn aldymen memlekettik zańdy tulǵalarǵa veb portal arqyly usynylady.
Perizat Qairattyń kóligine qatysty sheshimde satýǵa emes, memlekettik organǵa berýge basymdyq berilgen. 2026 jylǵy 7 sáýirdegi hattamaǵa sáikes ótinishterdi qaraý qorytyndysy boiynsha jeńimpaz retinde Astana qalalyq Politsiia departamenti anyqtalǵan.
Endi 15 jumys kúni ishinde tiisti qujattar rásimdelip, múlik vedomstvonyń balansyna ótkiziledi.
Osylaisha Mercedes-Benz S 450 elordalyq politsiianyń qaramaǵyna ótpek.
Aita keteiik, buǵan deiin Perizat Qairattyń Mercedes kóligi memleket menshigine ótkenin jazdyq.
Eske salaiyq, buǵan deiin Perizat Qairat ortasha qaýipsizdik mekemesinde 10 jylǵa bas bostandyǵynan aiyrylǵan edi. Al anasy Ǵaini Alashbaeva 7 jylǵa sottalǵan bolatyn.
Sonymen qatar, buǵan deiin "Perizat Qairat koloniiada nemen ainalysady?" degen saýalǵa ishki ister vitse-ministri Abai Qaiyrbekov jaýap berdi. Ol Perizat Qairattyń jumysqa ornalasýy onyń biliktiligi men bos oryndar bolýyna qarai sheshiletinin málimdedi.
Jýyrda Perizat Qairat túrme tazalap júrgenin jazdyq.
