Áleýmettik jelide "Pavlodar oblysynda 10 jastaǵy eki bala 7 jasar oqýshynyń tilin kespek bolǵany" týraly aqparat tarady, dep habarlaıdy Dalanews.kz.
Oqý-aǵartý mınıstrligi Balalardyń quqyqtaryn qorǵaý komıteti málimetinshe, oqıǵa keshe kúndiz bolǵan.
"Zardap shekken bala aýrýhanaǵa jatqyzyldy. Qazir onyń jaǵdaıy qanaǵattanarlyq dep baǵalanyp otyr. QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova bolǵan jaǵdaıdyń mán-jaıyn anyqtap, kómek kórsetý úshin balanyń anasymen baılanysqa shyqty. Balaǵa júıeli túrde kómek kórsetý úshin Psıhologıalyq qoldaý ortalyǵyna tapsyrma berildi", - dep jazylǵan habarlamada.
Qazir jaǵdaı óńirlik bala quqyqtary jónindegi ýákildiń baqylaýynda.
"Oqıǵaǵa qatysy bar adamdardyń jeke basyn anyqtaý maqsatynda izdestirý sharalary júrgizilip jatyr. Sondaı-aq, bul is kámeletke tolmaǵandardyń isteri jáne olardyń quqyqtaryn qorǵaý jónindegi komısıanyń qaraýyna usynylady", - dep jazylǵan habarlamada.
