Shyǵys Qazaqstan oblysynda taǵy bir iadrolyq qaldyqtardy saqtaý alańy salynýy múmkin, dep habarlaidy Dalanews.kz.
YK-News.kz taratqan aqparatqa sáikes, 9 jeltoqsanda oblystyq máslihat Úlbi metallýrgiia zaýytyna qatty radioaktivti qaldyqtardy (QRQ) kómý úshin jańa alań salýǵa ruqsat bergen.
"Oblystyq máslihattyń kezekti sessiiasynda 9 jeltoqsanda Úlbi metallýrgiia zaýytyna qatty radioaktivti qaldyqtardy kómý úshin jańa alań salýǵa ruqsat berý týraly sheshim qabyldandy", — delingen habarlamada.
Jańa kómý alańyn qazirgi qaldyq qoimasynyń janyna salý josparlanyp jatyr. Sebebi eski alań tolyp, 2026 jyldyń 1 qazanynda jumysyn toqtatýy múmkin. Eger ony jańartpasa, ÝMZ-de ýran óndirisi toqtap qalýy múmkin.
Joba memlekettik saraptamadan oń qorytyndy alyp, ekologiialyq ruqsatqa ie boldy. Sondai-aq iadrolyq qaýipsizdik boiynsha eksperttik qorytyndysy bar. Ol ónerkásiptik qaýipsizdik komiteti, Sý resýrstary jáne sýarmaly jerler ministrligi, sondai-aq Ertis basseindik inspektsiiasymen kelisilgen.
Basylym atap ótkendei, Qazaqstannyń "Atom energiiasyn paidalaný týraly" zańy boiynsha iadrolyq qurylymdar men qaldyqtardy kómý pýnktterin salý týraly sheshimdi úkimet qabyldaidy, biraq tek jergilikti ókildi organdardyń kelisimimen ǵana júzege asady. Oblystyq máslihat óz kelisimin bergen.
