شىعىس قازاقستان وبلىسىندا تاعى بٸر يادرولىق قالدىقتاردى ساقتاۋ الاڭى سالىنۋى مٷمكٸن, دەپ حابارلايدى Dalanews.kz.
YK-News.kz تاراتقان اقپاراتقا سەيكەس, 9 جەلتوقساندا وبلىستىق مەسليحات ٷلبٸ مەتاللۋرگييا زاۋىتىنا قاتتى راديواكتيۆتٸ قالدىقتاردى (قرق) كٶمۋ ٷشٸن جاڭا الاڭ سالۋعا رۇقسات بەرگەن.
"وبلىستىق مەسليحاتتىڭ كەزەكتٸ سەسسيياسىندا 9 جەلتوقساندا ٷلبٸ مەتاللۋرگييا زاۋىتىنا قاتتى راديواكتيۆتٸ قالدىقتاردى كٶمۋ ٷشٸن جاڭا الاڭ سالۋعا رۇقسات بەرۋ تۋرالى شەشٸم قابىلداندى", — دەلٸنگەن حابارلامادا.
جاڭا كٶمۋ الاڭىن قازٸرگٸ قالدىق قويماسىنىڭ جانىنا سالۋ جوسپارلانىپ جاتىر. سەبەبٸ ەسكٸ الاڭ تولىپ, 2026 جىلدىڭ 1 قازانىندا جۇمىسىن توقتاتۋى مٷمكٸن. ەگەر ونى جاڭارتپاسا, ۋمز-دە ۋران ٶندٸرٸسٸ توقتاپ قالۋى مٷمكٸن.
جوبا مەملەكەتتٸك ساراپتامادان وڭ قورىتىندى الىپ, ەكولوگييالىق رۇقساتقا يە بولدى. سونداي-اق يادرولىق قاۋٸپسٸزدٸك بويىنشا ەكسپەرتتٸك قورىتىندىسى بار. ول ٶنەركەسٸپتٸك قاۋٸپسٸزدٸك كوميتەتٸ, سۋ رەسۋرستارى جەنە سۋارمالى جەرلەر مينيسترلٸگٸ, سونداي-اق ەرتٸس باسسەيندٸك ينسپەكتسيياسىمەن كەلٸسٸلگەن.
باسىلىم اتاپ ٶتكەندەي, قازاقستاننىڭ "اتوم ەنەرگيياسىن پايدالانۋ تۋرالى" زاڭى بويىنشا يادرولىق قۇرىلىمدار مەن قالدىقتاردى كٶمۋ پۋنكتتەرٸن سالۋ تۋرالى شەشٸمدٸ ٷكٸمەت قابىلدايدى, بٸراق تەك جەرگٸلٸكتٸ ٶكٸلدٸ ورگانداردىڭ كەلٸسٸمٸمەن عانا جٷزەگە اسادى. وبلىستىق مەسليحات ٶز كەلٸسٸمٸن بەرگەن.
