«Aýyl» partiiasy fraktsiiasynyń depýtaty Qaraqat Ábden Qazaqstanda tabiǵi shiki sútten emes, qurǵaq sút untaǵyn qalpyna keltirý arqyly óndiriletin ónimderdiń úlesi kúrt ósip jatqanyn aitty. Depýtat bul jaǵdaidy alańdatarlyq trend dep sipattady, dep habarlaidy Dalanews.kz.
Premer-ministrdiń atyna joldaǵan depýtattyq saýalynda ol sút ónimderin óndirýshiler arasyndaǵy ádiletsiz básekeniń mysaldaryn keltirip, máseleni sheshýge baǵyttalǵan birneshe usynys jasady.
Sol usynystardyń biri - sút ónimderin mindetti túrde, anyq ári túsinikti belgilep tańbalaý. Ábdenniń aitýynsha, qazaqstandyq tutynýshylar ónimniń qandai shikizattan jasalǵanyn naqty bilýi kerek: tabiǵi sút pe, qalpyna keltirilgen sút pe, álde sútti sýsyn ba - bul tańbadan birden kórinýi tiis.
Depýtat adal jumys isteitin sút óndirýshiler de osy bastamany qoldaýdy kútip otyrǵanyn atap ótti.
