Qazaqstanda keiingi jeti jylda tsifrlandyrý salasyndaǵy negizgi kórsetkishter aitarlyqtai ósken. Jasandy intellekt jáne tsifrlyq damý ministrliginiń málimetinshe, 2019–2026 jyldary internet infraqurylymy keńeiip, memlekettik qyzmetterdiń basym bóligi onlain formatqa kóshti. Sonymen birge IT jáne ǵaryshtyq tehnologiialar eksporty artqan, dep habarlaidy dalanews.kz.
Osy aralyqta Qazaqstan BUU-nyń elektrondy úkimettiń damý deńgeii jónindegi reitinginde 39-orynnan 24-orynǵa kóterildi. Al IT ónimderi men qyzmetteriniń eksporty 38 ese ósip, 30 mln dollardan 1,142 mlrd dollarǵa jetken. Onyń 633 mln dollary Astana Hub qatysýshylaryna tiesili. Ǵaryshtyq tehnologiialar eksporty da nóldik kórsetkishten 70 mln dollarǵa deiin ulǵaiǵan.
Eldegi internettiń qoljetimdiligi 84%-dan 98%-ǵa deiin artty. Ortasha internet jyldamdyǵy burynǵy 21 Mbit/s deńgeiinen 88–94 Mbit/s-qa deiin ósken. Budan bólek, Qazaqstanda 5G jelisin engizý jumystary jalǵasyp jatyr.
Memlekettik qyzmetterdi tsifrlandyrý kórsetkishi jeti jyl ishinde 80%-dan 91%-ǵa jetti. Qazir elektrondy memlekettik qyzmetterdiń 96%-yn smartfon arqyly alýǵa múmkindik bar.
Qolma-qol aqshasyz tólemder naryǵynda da eleýli ósim tirkelgen. 2019 jyly mundai operatsiialardyń kólemi 13,3 trln teńge bolsa, 2026 jyly 186,3 trln teńgege jetip, shamamen 14 ese artqan.
Osy kórsetkishter tsifrlandyrýdyń memlekettik qyzmetterdi onlain formatqa kóshirýmen ǵana shektelmei, IT indýstriiasy men tehnologiialyq eksportty damytýǵa da yqpal etip otyrǵanyn kórsetedi.
