قازاقستاندا كەيٸنگٸ جەتٸ جىلدا تسيفرلاندىرۋ سالاسىنداعى نەگٸزگٸ كٶرسەتكٸشتەر ايتارلىقتاي ٶسكەن. جاساندى ينتەللەكت جەنە تسيفرلىق دامۋ مينيسترلٸگٸنٸڭ مەلٸمەتٸنشە, 2019–2026 جىلدارى ينتەرنەت ينفراقۇرىلىمى كەڭەيٸپ, مەملەكەتتٸك قىزمەتتەردٸڭ باسىم بٶلٸگٸ ونلاين فورماتقا كٶشتٸ. سونىمەن بٸرگە IT جەنە عارىشتىق تەحنولوگييالار ەكسپورتى ارتقان, دەپ حابارلايدى dalanews.kz.
وسى ارالىقتا قازاقستان بۇۇ-نىڭ ەلەكتروندى ٷكٸمەتتٸڭ دامۋ دەڭگەيٸ جٶنٸندەگٸ رەيتينگٸندە 39-ورىننان 24-ورىنعا كٶتەرٸلدٸ. ال IT ٶنٸمدەرٸ مەن قىزمەتتەرٸنٸڭ ەكسپورتى 38 ەسە ٶسٸپ, 30 ملن دوللاردان 1,142 ملرد دوللارعا جەتكەن. ونىڭ 633 ملن دوللارى Astana Hub قاتىسۋشىلارىنا تيەسٸلٸ. عارىشتىق تەحنولوگييالار ەكسپورتى دا نٶلدٸك كٶرسەتكٸشتەن 70 ملن دوللارعا دەيٸن ۇلعايعان.
ەلدەگٸ ينتەرنەتتٸڭ قولجەتٸمدٸلٸگٸ 84%-دان 98%-عا دەيٸن ارتتى. ورتاشا ينتەرنەت جىلدامدىعى بۇرىنعى 21 مبيت/س دەڭگەيٸنەن 88–94 مبيت/س-قا دەيٸن ٶسكەن. بۇدان بٶلەك, قازاقستاندا 5G جەلٸسٸن ەنگٸزۋ جۇمىستارى جالعاسىپ جاتىر.
مەملەكەتتٸك قىزمەتتەردٸ تسيفرلاندىرۋ كٶرسەتكٸشٸ جەتٸ جىل ٸشٸندە 80%-دان 91%-عا جەتتٸ. قازٸر ەلەكتروندى مەملەكەتتٸك قىزمەتتەردٸڭ 96%-ىن سمارتفون ارقىلى الۋعا مٷمكٸندٸك بار.
قولما-قول اقشاسىز تٶلەمدەر نارىعىندا دا ەلەۋلٸ ٶسٸم تٸركەلگەن. 2019 جىلى مۇنداي وپەراتسييالاردىڭ كٶلەمٸ 13,3 ترلن تەڭگە بولسا, 2026 جىلى 186,3 ترلن تەڭگەگە جەتٸپ, شامامەن 14 ەسە ارتقان.
وسى كٶرسەتكٸشتەر تسيفرلاندىرۋدىڭ مەملەكەتتٸك قىزمەتتەردٸ ونلاين فورماتقا كٶشٸرۋمەن عانا شەكتەلمەي, IT يندۋستريياسى مەن تەحنولوگييالىق ەكسپورتتى دامىتۋعا دا ىقپال ەتٸپ وتىرعانىن كٶرسەتەدٸ.
