Aqtaý garnizonynda oqý-jattyǵý barysynda áskeri qyzmetshilerdiń qaza bolý faktisi boiynsha qylmystyq is qozǵalyp, tergeý bastaldy, dep habarlaidy dalanews.kz.
Bas prokýratýranyń málimetinshe, oqiǵanyń mán-jailaryn anyqtaý úshin jedel-tergeý toby quryldy.
Qazirgi ýaqytta oqiǵa ornynda Ishki ister ministrliginiń, Tótenshe jaǵdailar ministrliginiń jáne prokýratýra organdarynyń qyzmetkerleri jumys istep jatyr.
Tergeý barysynda oqiǵanyń barlyq mán-jailaryn jan-jaqty, tolyq ári obektivti anyqtaýǵa baǵyttalǵan qajetti is-sharalar júrgizilýde. Sondai-aq sot saraptamalary taǵaiyndalǵan.
Tergeý barysy erekshe baqylaýǵa alynǵan.
Buǵan deiin Qorǵanys ministrligi Mańǵystaý oblysynda Qarýly kúshterdiń Áskeri-teńiz kúshteri oqý-jattyǵýy kezinde aýa raiynyń kúrt nasharlap, jeldiń kúsheiýi saldarynan 19 áskeri qyzmetshini teńizge alyp ketkenin habarlaǵan. Aldyn ala málimet boiynsha, olardyń toǵyzy qaza tapqan, úsheýi qutqarylǵan.
