Ақтау гарнизонында оқу-жаттығу барысында әскери қызметшілердің қаза болу фактісі бойынша қылмыстық іс қозғалып, тергеу басталды, деп хабарлайды dalanews.kz.
Бас прокуратураның мәліметінше, оқиғаның мән-жайларын анықтау үшін жедел-тергеу тобы құрылды.
Қазіргі уақытта оқиға орнында Ішкі істер министрлігінің, Төтенше жағдайлар министрлігінің және прокуратура органдарының қызметкерлері жұмыс істеп жатыр.
Тергеу барысында оқиғаның барлық мән-жайларын жан-жақты, толық әрі объективті анықтауға бағытталған қажетті іс-шаралар жүргізілуде. Сондай-ақ сот сараптамалары тағайындалған.
Тергеу барысы ерекше бақылауға алынған.
Бұған дейін Қорғаныс министрлігі Маңғыстау облысында Қарулы күштердің Әскери-теңіз күштері оқу-жаттығуы кезінде ауа райының күрт нашарлап, желдің күшеюі салдарынан 19 әскери қызметшіні теңізге алып кеткенін хабарлаған. Алдын ала мәлімет бойынша, олардың тоғызы қаза тапқан, үшеуі құтқарылған.
