Qazaqstannyń Básekelestikti qorǵaý jáne damytý agenttigi (AZRK) monopoliiaǵa qarsy zańnamaǵa birqatar ózgeris engizýdi josparlap otyr. Jańa túzetýler tergeý merzimin uzartýdy, ainalymdyq aiyppuldardy engizýdi, Leniency baǵdarlamasyn reformalaýdy jáne aýyr zańbuzýshylyqtar boiynsha eskertýlerdi qoldanýdy qysqartýdy kózdeidi, dep habarlaidy dalanews.kz.
Agenttik Ákimshilik quqyq buzýshylyq týraly kodekske ózgerister ázirlegen. Soǵan sáikes, zań buzǵan kásiporyndarǵa ainalymdyq aiyppul salý tetigi engiziledi. Aiyppul mólsheri kompaniianyń bir jyldyq tabysynyń 0,5%-yna deiin jetýi múmkin.
Sonymen qatar, monopoliiaǵa qarsy tergeý júrgizý merzimi qazirgi úsh aidan toǵyz aiǵa deiin uzartylmaq. Qajet bolǵan jaǵdaida bul merzimdi taǵy úsh aiǵa sozý múmkindigi qarastyrylǵan.
BQDA-nyń málimetinshe, usynylyp otyrǵan ózgerister básekelestik talaptarynyń saqtalýyn kúsheitip, zań buzýshylyqtardy anyqtaý men tergeýdiń tiimdiligin arttyrýǵa baǵyttalǵan.
