قازاقستاننىڭ بەسەكەلەستٸكتٸ قورعاۋ جەنە دامىتۋ اگەنتتٸگٸ (ازرك) مونوپوليياعا قارسى زاڭناماعا بٸرقاتار ٶزگەرٸس ەنگٸزۋدٸ جوسپارلاپ وتىر. جاڭا تٷزەتۋلەر تەرگەۋ مەرزٸمٸن ۇزارتۋدى, اينالىمدىق ايىپپۇلداردى ەنگٸزۋدٸ, Leniency باعدارلاماسىن رەفورمالاۋدى جەنە اۋىر زاڭبۇزۋشىلىقتار بويىنشا ەسكەرتۋلەردٸ قولدانۋدى قىسقارتۋدى كٶزدەيدٸ, دەپ حابارلايدى dalanews.kz.
اگەنتتٸك ەكٸمشٸلٸك قۇقىق بۇزۋشىلىق تۋرالى كودەكسكە ٶزگەرٸستەر ەزٸرلەگەن. سوعان سەيكەس, زاڭ بۇزعان كەسٸپورىندارعا اينالىمدىق ايىپپۇل سالۋ تەتٸگٸ ەنگٸزٸلەدٸ. ايىپپۇل مٶلشەرٸ كومپانييانىڭ بٸر جىلدىق تابىسىنىڭ 0,5%-ىنا دەيٸن جەتۋٸ مٷمكٸن.
سونىمەن قاتار, مونوپوليياعا قارسى تەرگەۋ جٷرگٸزۋ مەرزٸمٸ قازٸرگٸ ٷش ايدان توعىز ايعا دەيٸن ۇزارتىلماق. قاجەت بولعان جاعدايدا بۇل مەرزٸمدٸ تاعى ٷش ايعا سوزۋ مٷمكٸندٸگٸ قاراستىرىلعان.
بقدا-نىڭ مەلٸمەتٸنشە, ۇسىنىلىپ وتىرعان ٶزگەرٸستەر بەسەكەلەستٸك تالاپتارىنىڭ ساقتالۋىن كٷشەيتٸپ, زاڭ بۇزۋشىلىقتاردى انىقتاۋ مەن تەرگەۋدٸڭ تيٸمدٸلٸگٸن ارتتىرۋعا باعىتتالعان.
