Astanada 9 jeltoqsanda Chempiondar ligasynyń plei-off kezeńine irikteý aiasynda almatylyq “Qairat” pen pireilik “Olimpiakos” komandalary “Astana Arenada” kezdesti, dep habarlaidy Dalanews.kz.
Elordadaǵy iri sport nysanynda ótken matchty 18 myńnan asa jankúier tamashalady. Tartysty ótken oiynda “Olimpiakos” 0:1 esebimen jeńiske jetti.
Esep minimaldy bolǵanymen, “Qairat” komandasynyń 77-nómirli qaqpashysy Temirlan Anarbekov matchtyń úzdik oiynshysy dep tanyldy. ÝEFA-nyń resmi baqylaý toby onyń birneshe óte qaýipti shabýyldy tosyp, komandany qiyn sátterde qutqaryp qalýy jáne 2 dál seiv jasaýy bul sheshimniń negizgi sebepteri bolǵanyn málimdedi.
Kórermender áleýmettik jelilerde jas qaqpashyǵa qoldaý bildirip, jyly pikirlerin qaldyrdy.
“Temirlan = Qorǵan”, “Óte joǵary deńgeide óner kórsetti, sońyna deiin berilmeitin namysshyldyǵy tánti etti”,“Eýropalyq klýbtar deńgeiine kóterilse eken degen tilektemiz”, - dep jazdy áleýmettik jeli qoldanýshylary.
Temirlan Anarbekov qysqa ýaqyttyń ishinde óz tabandylyǵymen, eńbekqorlyǵymen jáne jeńiske degen erik-jigerimen jankúierler senimine ie boldy. Ol búginde kóptegen jas fýtbolshyǵa úlgi bolarlyq sportshy retinde tanylyp keledi.
